കോവിഡ് 19 പ്രതിരോധത്തിന്റെ ഭാഗമായി
ക്വാറന്റൈൻ നടപടികൾ കർശനമാക്കാൻ ജില്ലാ കലക്ടർ സാംബശിവ റാവുവിന്റെ നിർദ്ദേശം.
മറ്റു സംസ്ഥാനങ്ങളിൽ നിന്നും രാജ്യങ്ങളില് നിന്നും യാത്ര ചെയ്ത് ജില്ലയില് എത്തുന്നവര് 14 ദിവസം വീടുകളില് കര്ശന റൂം ക്വാറന്റൈനിലും , തുടര്ന്നുളള 14 ദിവസം വീടുകളില് നിരീക്ഷണത്തിലും കഴിയേണ്ടതാണെന്ന് കലക്ടർ അറിയിച്ചു.
ക്വാറന്െറന് ലംഘനങ്ങള് കോവിഡ് -19 സാമൂഹ്യവ്യാപനത്തിനുകാരണമാകുമെന്നതിനാലാണ് നടപടി.
വീടുകളില് നിരീക്ഷണത്തിലിരിക്കുന്നവര് വൈദ്യസഹായത്തിനല്ലാതെ വീടിന് പുറത്തിറങ്ങാന് പാടില്ല.മറ്റ് അത്യാവശ്യകാര്യങ്ങള്ക്ക് ആർആർടിയുടെ അനുമതിയോടെ മാത്രമേ പുറത്തിറങ്ങാന് പാടുള്ളു. ഈ നിര്ദ്ദേശം ലംഘിക്കുന്നവര്ക്കെതിരെ എപ്പിഡമിക് ഓര്ഡിനന്സ് പ്രകാരവും ഐപിസി പ്രകാരവും നടപടി സ്വീകരിക്കുന്നതാണെന്നും കലക്ടർ വ്യക്തമാക്കി. പ്രോട്ടോകോള് ലംഘനങ്ങള് ഉണ്ടാവുന്നപക്ഷം അതത് തദ്ദേശ സ്വയംഭരണ സെക്രട്ടറിമാരും ,മെഡിക്കല് ഒാഫീസര്മാരും റിപ്പോര്ട്ട് നല്കേണ്ടതാണെന്ന് കലക്ടര് നിർദ്ദേശിച്ചു .
