സംസ്ഥാനത്ത് ഇന്ന് 29 പേര്ക്ക് കോവിഡ് 19 സ്ഥിരീകരിച്ചു. ഇന്ന് ആര്ക്കും രോഗമുക്തിയില്ല. രോഗം വന്ന 21 പേര് വിദേശത്തു നിന്നും 7 പേര് മറ്റ് സംസ്ഥാനത്ത് നിന്നും വന്നവരാണ്. ഒരു ആരോഗ്യ പ്രവര്ത്തകയ്ക്കും രോഗം സ്ഥിരീകരിച്ചു. കൊല്ലം 6 തൃശൂര് 4 തിരുവനന്തപുരം, കണ്ണൂര് 3 , പത്തനംതിട്ട, ആലപ്പുഴ, കോട്ടയം, കോഴിക്കോട്, കാസര്ഗോഡ് എന്നിവിടങ്ങളില് 2 പേര്ക്കുമാണ് രോഗം സ്ഥിരീകരിച്ചത്. 127 പേരെ ഇന്ന് ആശുപത്രിയില് പ്രവേശിപ്പിച്ചു.’
സംസ്ഥാനത്ത് ഇതുവരെ 630 പേര്ക്ക് രോഗം സ്ഥിരീകരിച്ചു. 130 പേര് നിലവില് ചികിത്സയിലാണ്. 67,789 പേരാണ് സംസ്ഥാനത്ത് ആകെ നിരീക്ഷണത്തിലുള്ളത്. ഇതില് 67,316 പേര് വീടുകളിലാണ് നിരീക്ഷണത്തില് കഴിയുന്നത്. 473 പേര് ആശുപത്രികളില് നിരീക്ഷണത്തില് കഴിയുന്നു. ഇന്ന് 127 പേരെ ആശുപത്രിയില് പ്രവേശിപ്പിച്ചു.
ഇതുവരെ 45,905 സാമ്പിളുകള് പരിശോധനയ്ക്ക് അയച്ചിട്ടുണ്ട്. 44,651 എണ്ണം രേഗബാധയില്ലെന്ന് ഉറപ്പാക്കി. സെന്റിനല് സര്വൈലന്സിന്റെ ഭാഗമായി മുന്ഗണനാവിഭാഗത്തില്പ്പെട്ട 5,154 സാമ്പിളുകള് ശേഖരിച്ചതില് 5,082 എണ്ണം നെഗറ്റീവായിട്ടുണ്ട്. സംസ്ഥാനത്തെ ഹോട്ട്സ്പോട്ടുകളുടെ എണ്ണം 29 ആയി.
