തൃശൂരിൽ യുഡിഎഫ് കൗൺസിലർമാർക്ക് നേരെ കാർ ഓടിച്ച് കയറ്റിയ സംഭവത്തിൽ തൃശൂര് മേയര് എം.കെ.വര്ഗീസിനെതിരായ വധശ്രമക്കേസ് റദ്ദാക്കണമെന്ന് പൊലീസ്. പരാതിയിൽ കഴമ്പില്ലെന്നും കൗൺസിലർമാർക്കെതിരെ വധശ്രമം നടന്നിട്ടില്ലെന്നുമുള്ള പൊലീസ് റിപ്പോർട്ടിന്റെ അടിസ്ഥാനത്തിലാണ് മേയർ എം കെ വർഗീസിനെതിരായ വധശ്രമക്കേസ് റദ്ദാക്കാൻ തീരുമാനിച്ചത്. ഓടിത്തുടങ്ങിയ വാഹനത്തിന് മുന്നില് കൗണ്സിലര്മാര് തടസം ഉണ്ടാക്കുകയായിരുന്നെന്നും കോടതിയില് സമര്പ്പിച്ച റിപ്പോര്ട്ടില് പറയുന്നു.കുടിവെള്ളത്തിന് പകരം ചെളിവെള്ളം വിതരണം ചെയ്തെന്നാരോപിച്ച് തൃശ്ശൂർ കോർപ്പറേഷൻ മേയർക്കെതിരെ പ്രതിപക്ഷം നടത്തിയ പ്രതിഷേധത്തിനിടെയാണ് സംഭവമുണ്ടായത്. കൌൺസിൽ യോഗത്തിനിടെ പ്രതിപക്ഷ കൌൺസിലർമാർ കാറിൽ ചെളിവെള്ളം ഒഴിച്ചിരുന്നു. മേയറുടെ ഡ്രൈവര് മനഃപൂര്വം ഓടിച്ച് കയറ്റിയതല്ല എന്നും റിപ്പോർട്ടിൽ പറയുന്നു
യുഡിഎഫ് കൗൺസിലർമാർക്ക് നേരെ കാർ ഓടിച്ച് കയറ്റിയ സംഭവം;വധശ്രമമുണ്ടായിട്ടില്ല, തൃശ്ശൂർ മേയർക്കെതിരായ കേസ് റദ്ദാക്കും
