തിരുവനന്തപുരം: ഒന്നര മാസം ഗര്ഭിണിയായ യുവതിയെ മരിച്ച നിലയില് കണ്ടെത്തി. ഒറ്റൂര് മൂങ്ങോട് പേരേറ്റില് കാട്ടില്വീട്ടില് ലക്ഷ്മി(19) ആണ് മരിച്ചത്. ഭര്ത്താവുമായുള്ള പ്രശ്നങ്ങളെ തുടര്ന്ന് ആത്മഹത്യ ചെയ്തതാണെന്നാണു പ്രാഥമിക നിഗമനം.
പേരേറ്റില് ശങ്കരന്മുക്കിന് സമീപത്തെ വാടകവീട്ടില് ഇന്നലെ വൈകീട്ടാണു ജനലില് തൂങ്ങിമരിച്ച നിലയില് മൃതദേഹം കണ്ടെത്തിയത്. ഗര്ഭിണി ആയതിനാല് പഠിക്കാന് പോകുന്നത് ഭര്ത്താവ് വിലക്കിയതായി റിപ്പോര്ട്ടുണ്ട്. ഗര്ഭച്ഛിദ്രം നടത്താന് പെണ്കുട്ടി ആവശ്യപ്പെട്ടപ്പോള് വീട്ടുകാര് സമ്മതിച്ചില്ലെന്നും പറയുന്നുണ്ട്. ഇതാകാം ആത്മഹത്യയ്ക്കു പ്രേരിപ്പിച്ചതെന്നാണ് പൊലീസ് നിഗമനം.
സംഭവസ്ഥലത്ത് വര്ക്കല എ.എസ്.പിയുടെ നേതൃത്വത്തില് ഫോറന്സിക് പരിശോധന നടന്നു. കടയ്ക്കാവൂര് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
