കിഴക്കമ്പലത്ത് വിളക്കണയ്ക്കല് സമരത്തിനിടെ മര്ദനമേറ്റ ട്വന്റി 20 പ്രവര്ത്തകന് ദീപുവിന്റെ മരണത്തില് പ്രതിഷേധം.ദീപുവിന്റെ മരണകാരണം ലിവർ സിറോസിസ് ആയിരിക്കാമെന്ന പി വി ശ്രീനിജൻ എംഎൽഎയുടെ പ്രതികരണത്തിനെതിരെയാണ് ഇപ്പോൾ ശക്തമായ വിമർശനവുമായി ട്വന്റി 20 പ്രവർത്തകർ എത്തിയത് . പട്ടിയെപ്പോലെയാണ് ദീപുവിനെ സിപിഎം പ്രവർത്തകർ തല്ലിച്ചതച്ചതെന്നും, തങ്ങളവിടെ എത്തുമ്പോൾ ദീപുവിനെ കഴുത്തിന് കുത്തിപ്പിടിച്ച് ഇടിക്കുകയായിരുന്നുവെന്നും അവർ പറയുന്നു.’ഞങ്ങളാ ടീ തല്ലിയത്, ഞങ്ങള് സിപിഎമ്മുകാരാ ടീ, ഞാനാ തല്ലിയത്’ എന്നുപറഞ്ഞ് ആക്രോശിച്ചു. അഞ്ച് മണിക്കുശേഷം വാര്ഡില് ഇറങ്ങിയാല് കാല് വെട്ടിക്കളയുമെന്ന് ഭീഷണിപ്പെടുത്തി”’പട്ടിയെപ്പോലെ തല്ലിക്കൊന്നിട്ട് ലിവർ സിറോസിസെന്നോ, എന്റെ കൊച്ചിനെ കൊന്നവരെ വെറുതെ വിടൂല. – വാര്ഡ് മെമ്പര് പറയുന്നു.ട്വന്റി 20 ഭരിക്കുന്ന പഞ്ചായത്തുകളിലെ വഴിവിളക്കുകള് മികച്ചതാക്കുന്നതിന്റെ ഭാഗമായി നടപ്പാക്കാനുദ്ദേശിച്ച ‘സ്ട്രീറ്റ് ലൈറ്റ്’ ചലഞ്ച് പദ്ധതിയെ തകര്ക്കാന് കുന്നത്തുനാട് എം.എല്.എ. ശ്രമിച്ചെന്നതില് പ്രതിഷേധിച്ച് നടത്തിയ വിളക്കണയ്ക്കല് സമരത്തിത്തിലാണ് ദീപുവിന് മര്ദനേറ്റത്.
തിങ്കളാഴ്ച രാവിലെയാണ് രക്തം ഛർദ്ദിച്ചതിനെത്തുടർന്ന് കിഴക്കമ്പലത്തിന് അടുത്തുള്ള ഒരു സ്വകാര്യ ആശുപത്രിയിൽ ദീപുവിനെ പ്രവേശിപ്പിച്ചത്. ആന്തരികരക്തസ്രാവമുണ്ടെന്നും കൂടുതൽ ചികിത്സ വേണമെന്നും വ്യക്തമായതിനെത്തുടർന്ന് ദീപുവിനെ രാജഗിരി മെഡിക്കൽ കോളേജിലേക്ക് മാറ്റുകയായിരുന്നു.
