പൗരത്വ നിയമ ഭേദഗതിക്ക് എതിരെ സംസ്ഥാനത്ത് വിവിധ സംഘടനകള് ആഹ്വാനം ചെയ്ത ഹര്ത്താലിന്റെ ഭാഗമായി കടകള് അടപ്പിക്കാനും വാഹനങ്ങള് തടയാനും ശ്രമിച്ചവരെ പൊലീസ്പൊലീസ് കസ്റ്റഡിയിലെടുത്തു. മുന്കരുതലിന്റെ ഭാഗമായി സംസ്ഥാനത്തിന്റെ വിവിധ ഭാഗങ്ങളില് നിന്നായി നിരവധി പേരെ കരുതല് തടങ്കലിലാക്കി.
പാലക്കാട് കെഎസ്ആര്ടിസി ബസ് തടയാന് ശ്രമിച്ച ഏഴ് പേരെ പോലീസ് കസ്റ്റഡിയിലെടുത്തു. കോഴിക്കോട് കടകള് അടപ്പിക്കാനും വാഹനങ്ങള് തടയാനും ശ്രമിച്ച രണ്ട് പേരും പൊലീസ് കസ്റ്റഡിയിലാണ്. കണ്ണൂരില് എസ്ഡിപിഐ പ്രവര്ത്തകരായ 13 പേര് കരുതല് തടങ്കലിലാണ്.
ഫ്രറ്റേണിറ്റി മൂവ്മെന്റ് ചെങ്ങന്നൂര് മണ്ഡലം പ്രസിഡന്റും വെല്ഫെയര് പാര്ട്ടി പാണ്ടനാട് പഞ്ചായത്ത് കമ്മിറ്റി സെക്രട്ടറിയുമായ അനീഷ് പാണ്ടനാട്, ദലിത് സഘടനാ നേതാവ് സതീഷ് കുമാര് എന്നിവരെ ചെങ്ങന്നൂര് പൊലീസ് കരുതല് തടങ്കലിലെടുത്തു. ഇന്നലെ രാത്രിയാണ് ഇരുവരെയും കരുതല് തടങ്കലിലെടുത്തത്.
അതേസമയം, ഇന്നത്തെ സ്കൂൾ പരീക്ഷകൾക്ക് മാറ്റമില്ലെന്ന് പൊതുവിദ്യാഭ്യാസ ഡയറക്ടര് അറിയിച്ചിട്ടുണ്ട്. രണ്ടാംപാദ വാര്ഷിക പരീക്ഷകള് മുന്കൂട്ടി നിശ്ചയിച്ച പ്രകാരം നടക്കുമെന്ന് അദ്ദേഹം വ്യക്തമാക്കി. സര്വകലാശാലകള് നടത്താനിരുന്ന പരീക്ഷകളിലും മാറ്റമില്ല. നാളത്തെ കേരള ടെക്നോളോജിക്കൽ യൂണിവേഴ്സിറ്റി പരീക്ഷകൾക്ക് മാറ്റമില്ല. എ പി ജെ അബ്ദുൾ കലാം ടെക്നോളോജിക്കൽ യൂണിവേഴ്സിറ്റി ഡിസംബർ 17 ന് നടത്താനിരുന്ന പരീക്ഷകൾക്ക് മാറ്റമില്ലെന്ന് പരീക്ഷ കണ്ട്രോളര് അറിയിച്ചു. എന്നാല്, തങ്ങള്ക്ക് കീഴിലുള്ള സ്കൂളുകളില് നാളെ നടത്താനിരുന്ന പരീക്ഷ മാറ്റിവച്ചെന്ന് കേരള സെല്ഫ് ഫിനാന്സ് സ്കൂള് ഫെഡറേഷന് അറിയിച്ചു