മലപ്പുറം: ബി.ജെ.പി വിട്ട് കോണ്ഗ്രസിലെത്തിയ സന്ദീപ് വാര്യര് പാണക്കാടെത്തി. മുസ്ലിം ലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങളുമായും ലീഗ് നേതാക്കളുമായും കൂടിക്കാഴ്ച നടത്തി.
ഞായറാഴ്ച രാവിലെ പാണക്കാട് തറവാട്ടിലെത്തിയ സന്ദീപിനെ ലീഗ് നേതാക്കളായ പി.കെ. കുഞ്ഞാലിക്കുട്ടി, എന്. ഷംസുദ്ദീന് എം.എല്.എ, നജീബ് കാന്തപുരം, പി.കെ. ഫിറോസ് ഉള്പ്പെടെയുള്ളവര് ചേര്ന്നാണ് സ്വീകരിച്ചത്. കെ.പി.സി.സി നിര്ദേശപ്രകാരമാണ് സന്ദീപ് പാണക്കാട്ടെത്തിയത്.
നേരത്തെ, സന്ദീപിനെ സ്വാഗതം ചെയ്ത് യൂത്ത് ലീഗ് അധ്യക്ഷന് മുനവ്വറലി തങ്ങള് ഫേസ്ബുക്കില് പോസ്റ്റിട്ടിരുന്നു. സന്ദീപ് വാര്യരുടെ ഫോട്ടോക്കൊപ്പം സ്വാഗതം ബ്രോ…എന്ന് കുറിച്ചാണ് മുനവ്വറലി തങ്ങളുടെ പോസ്റ്റ്. ബി.ജെ.പിയുടെ തെരഞ്ഞെടുപ്പ് പ്രചാരണപ്രവര്ത്തനങ്ങളില്നിന്ന് വിട്ടുനില്ക്കുകയായിരുന്ന സന്ദീപ് സി.പി.ഐയില് ചേരുമെന്ന അഭ്യൂഹങ്ങള്ക്കിടെയാണ് എതിര് പാര്ട്ടികള്ക്ക് ഷോക്ക് നല്കി കോണ്ഗ്രസ് പാളയത്തിലെത്തിയത്.
