രാജ്യത്ത് 24 മണിക്കൂറിനിടെ 57,982 പേര്‍ക്ക് കോവിഡ് സ്ഥിരകരിച്ചു. 941 പേരാണ് ഈ സമയംകൊണ്ട് മരിച്ചത്. ഇതോടെ ഇന്ത്യയില്‍ ആകെ, കോവിഡ് ബാധിതരുടെ എണ്ണം 26,47,664 ആയി. ഇതില്‍ 6,76,900 പേര്‍ക്കാണ് നിലവില്‍ രോഗം. ആകെ 50,921 പേര്‍ മരിച്ചു. ഓഗസ്റ്റ് 16 വരെ 3,00,41,400 സാംപിളുകള്‍ പരിശോധിച്ചതായി ഐസിഎംആര്‍ അറിയിച്ചു. ഇതില്‍ 7,31,697 സാംപിളുകള്‍ ഇന്നലെയാണ് പരിശോധിച്ചത്.
അതേസമയം കോവിഡ് രോഗികള്‍ കൂടുതലുള്ള രാജ്യങ്ങളുടെ പട്ടികയില്‍ 55 ലക്ഷം കവിഞ്ഞ യുഎസിനും 33 ലക്ഷം കടന്ന ബ്രസീലിനും ശേഷം ഇന്ത്യയാണ് മൂന്നാമത് നില്‍ക്കുന്നത്.
