രണ്ട് രാഷ്ട്രീയ കൊലപാതകങ്ങൾ നടന്ന പാലക്കാട് രണ്ട് പാർട്ടികളും സ്വയം നിയന്ത്രിക്കണമെന്ന് മന്ത്രി കെ കൃഷ്ണൻ കുട്ടി. ഇത്തരം സംഭവങ്ങൾ അടിച്ചമർത്തണമെന്നും അത് കൊണ്ട് തന്നെ പോലീസ് മുഖം നോക്കാതെ നടപടി എടുക്കുമെന്നും അതിനായി നിർദേശം നൽകിയിട്ടുണ്ടെന്നും അദ്ദേഹം പറഞ്ഞു.
പാലക്കാട് ജില്ലയിലെ സംഘർഷങ്ങളുടെ പശ്ചാത്തലത്തിൽ ഇന്ന് വൈകുന്നേരം മൂന്ന് മണിക്ക് എൽ ഡി എഫ് യോഗം നിശ്ചയിച്ചിട്ടുണ്ട്. കൂടാതെ ജില്ലയിൽ സ്ഥിതിഗതികൾ നിയന്ത്രണ വിധേയമാക്കാൻ സർവകക്ഷി യോഗം വിളിക്കാനും ആലോചനയുണ്ട്.
അതേസമയ, ആർ എസ് എസ് പ്രവർത്തകൻ ശ്രീനിവാസന്റെ കൊലപാതകത്തിൽ ആക്രമി സംഘം ഉപയോഗിച്ച ഒരു വാഹനത്തിന്റെ ഉടമയെ കണ്ടെത്തി. ഒരു സ്ത്രീയുടെ പേരിലുള്ള ബൈക്ക് വായ്പ്പ ആവശ്യത്തിനായി മറ്റൊരാൾക്ക് കൈമാറിയിരുന്നു. ഇയാളെ കേന്ദ്രീകരിച്ച് അന്വേഷണം നടക്കുന്നുണ്ട്.
