മാര്ച്ച് 23 മുതല് സംസ്ഥാനത്ത് നടപ്പിലാക്കിയ ലോക്ക് ഡൌണ് മൂലം നിത്യോപയോഗ സാധനങ്ങള്ക്കും ദൈനംദിന ജീവിതചിലവുകലള്ക്കും ദുരിതമനുഭവിക്കുന്ന ഈ സാഹചര്യത്തില് ചെലവൂരിലുള്ള ഭാരതീയ സുഗന്ധവിള ഗവേഷണ സ്ഥാപനം സമീപവാസികളായ 80 കുടുംബങ്ങള്ക്ക് സൗജന്യമായി ചക്ക വിതരണം നടത്തി മാതൃകയായി.
സ്വന്തം ഫാമില് നിന്നും ഉത്പാദിപ്പിച്ച ചക്കയുടെ വിതരണം കോഴിക്കോട് കോര്പ്പറേഷന് മുന് വാര്ഡ് കൌണ്സിലര് ഹമീദ് ഉദ്ഘാടനം ചെയ്തു. സ്ഥാപനത്തിലെ ജീവനക്കാര്, ശുചിത്വ മിഷന് നോടല് ഓഫീസര് ഡോ. തങ്കമണി സീ കെ, സ്ഥാപനത്തിലെ ഫാം മേധാവി ഡോ. കെ വീ സജി എന്നിവിതര് പങ്കെടുത്തു.
