കേരളാ അഡ്വക്കറ്റ് ക്ലര്‍ക്ക്‌സ് അസോസിയേഷന്‍ കുന്ദമംഗലം യൂണിറ്റ് സമ്മേളനം സംഘടിപ്പിച്ചു. കേരളത്തിലെ ഏക സബ്താലുക്കായ കുന്ദമംഗലത്ത് അഡീഷണല്‍ കോടതികള്‍ അനുവദിക്കണമെന്നും, പൈതൃകം കെട്ടിടം എന്ന നിലക്ക് കോടതി കെട്ടിടത്തിനായി അനുവദിച്ച ചിലവഴിച്ച 1 കോടിയിലേറെ രൂപ ചിലവഴിച്ച് നടത്തിയ നവീകരണം സംബന്ധിച്ച് വിശദമായ പരിശോധന നടത്തണമെന്നും പൂര്‍ത്തിയാകാതെ കിടക്കുന്ന നവീകരണം പൂര്‍ത്തിയാക്കുന്നതിനു ഫണ്ട് അനുവദിക്കണമെന്നും സമ്മേളനം ആവശ്യപ്പെട്ടു. സമ്മേളനം കെ എ സി എ സംസ്ഥാന കമ്മറ്റി അംഗം സി ജയരാജന്‍ ഉദ്ഘാടനം ചെയ്തു. കെഎസിഎ ജില്ലാ സെക്രട്ടറി എ സുരാജ് മുഖ്യപ്രഭാഷണം നടത്തി. ജില്ലാ കമ്മിറ്റി ഭാരവാഹികളായ ആര്‍ ജി ജോണ്‍, ടി ബാലകൃഷ്ണന്‍ എന്നിവര്‍ ആശംസകള്‍ നേര്‍ന്നു. പി ഭാസ്‌ക്കരന്‍ അധ്യക്ഷത വഹിച്ച സമ്മേളനത്തിന് മുരളീധരന്‍ എ സ്വാഗതവും, എ കെ ഇമ്പിച്ചിക്കോയ നന്ദിയും പറഞ്ഞു. പുതിയ ഭാരവാഹികളായി എന്‍ ധര്‍മ്മാംഗദന്‍, പ്രസിഡന്റ് എം രോഷ്‌നി, സെക്രട്ടറി പി സുനില്‍കുമാര്‍ ട്രഷറര്‍ എന്നിവരെ തെരഞ്ഞെടുത്തു.
കേരളാ അഡ്വക്കറ്റ് ക്ലര്‍ക്ക്‌സ് അസോസിയേഷന്‍ കുന്ദമംഗലം യൂണിറ്റ് സമ്മേളനം സംഘടിപ്പിച്ചു; പുതിയ ഭാരവാഹികളെ തെരഞ്ഞെടുത്തു
