ആലപ്പുഴയില് കെഎസ്യു പ്രവര്ത്തകരെ മര്ദിച്ചത് മുഖ്യമന്ത്രിയുടെ ഗണ്മാന് അനില്. കാറില് നിന്നിറങ്ങി ഗണ്മാന് അനിലും സുരക്ഷ ഉദ്യോഗസ്ഥനും പ്രവര്ത്തകരെ അടിച്ചു. പൊലീസുകാരെ തള്ളിമാറ്റിയ ശേഷം പ്രവര്ത്തകരെ വളഞ്ഞിട്ട് തല്ലുകയായിരുന്നു. അരൂര് എസ്ഐ തടയാന് ശ്രമിച്ചെങ്കിലും പിടിച്ചുമാറ്റുകയായിരുന്നു.
ദൃശ്യങ്ങളില് പൊലീസ് ഉദ്യോഗസ്ഥന് നിലത്ത് വീഴുന്നതും കണാം. ഗണ്മാന് അനിലിന് നേരെ നേരത്തെയും വിമര്ശനം ഉയര്ന്നിരുന്നു. തൊടുപുഴയില് മാധ്യമപ്രവര്ത്തകന്റെ കഴുത്തിന് പിടിച്ച് തള്ളിയതും അനിലായിരുന്നു. ഇന്നലെ മുഖ്യമന്ത്രിയെ കരിങ്കൊടി കാണിച്ചതിനായിരുന്നു സുരക്ഷാ ഉദ്യോഗസ്ഥര് വളഞ്ഞിട്ട് തല്ലിയത്.
ആലപ്പുഴ ജനറല് ആശുപത്രിക്ക് സമീപമായിരുന്നു സംഭവം. കെഎസ്യു ജില്ലാ പ്രസിഡന്റ് തോമസ്, യൂത്ത് കോണ്സംസ്ഥാന സെക്രട്ടറി അജോയ് ജോയ് എന്നിവര്ക്കാണ് മര്ദ്ദനമേറ്റത്. വൈകീട്ട് മൂന്നരയോടെയാണ് കരിങ്കൊടികാട്ടലും മര്ദനവും നടന്നത്.
