നാളെ ഹര്ത്താല് നടത്താനിരിക്കുന്നവര്ക്ക് മുന്നറിയിപ്പുമായി പോലീസ്.
നിയമവിരുദ്ധമാണ് നാളെ പ്രഖ്യാപിച്ചിരിക്കുന്ന ഹര്ത്താല്. നാളെ ഹര്ത്താല് നടത്തുകയോ, ഹര്ത്താലിനെ അനുകൂലിക്കുകയോ ചെയ്യുന്നവരായിരിക്കും നാളെ ഉണ്ടാവുന്ന എല്ലാ നഷ്ടങ്ങളുടേയും ഉത്തരവാദിത്വം പ്രസ്തുത സംഘടനകളുടെ ജില്ലാ, സംസ്ഥാന നേതൃത്വത്തിനായിരിക്കുമെന്ന് കേരള പൊലീസ് മുന്നറിയിപ്പ് നല്കി. കേരളാ പൊലീസ് ഫെയ്സ്ബുക്ക് പോസ്റ്റിലൂടെയാണ് ഇക്കാര്യം വ്യക്തമാക്കിയത്.
ഹര്ത്താന് നടത്താന് ഉദ്ദേശിക്കുന്ന സംഘടന ഏഴ് ദിവസം മുന്പ് അനുമതി വാങ്ങണമെന്ന ഹൈക്കോടതി ഉത്തരവ് നില്നില്ക്കെ അത്തരം അനുമതികള് നേടാതെയാണ് ഈ ഹര്ത്താല് ആഹ്വാനം ചെയ്തത്. അതിനാലാണ് പോലീസ് മുന്നറിയിപ്പ്.
പോലീസിന്റെ ഫെയ്സ്ബുക്ക് പോസ്റ്റ്
17.12.2019 രാവിലെ 6 മുതല് വൈകുന്നേരം 6 മണിവരെ ഹര്ത്താലിന് ആഹ്വാനം ചെയ്തുകൊണ്ടുള്ള സന്ദേശങ്ങള് സമൂഹ്യമാധ്യമങ്ങള് വഴിയും, ചില പത്രമാധ്യമങ്ങളില് കൂടിയും വ്യാപകമായി പ്രചരിക്കുന്നുണ്ട്.
07.01.2019 തീയ്യതിയിലെ ബഹു.ഹൈക്കോടതിയുടെ ഉത്തരവ് പ്രകാരം ഹര്ത്താന് നടത്താന് ഉദ്ദേശിക്കുന്ന സംഘടന 7 ദിവസം മുമ്പ് നോട്ടീസ് നല്കണമെന്ന ഉത്തരവ് നിലവിലുണ്ട.് ബഹു.ഹൈക്കോടതിയുടെ ഉത്തരവ് പ്രകാരമുള്ള നോട്ടീസ് ഹര്ത്താലാഹ്വാനം ചെയ്തിട്ടുള്ള സംഘടനകള് നല്കിയിട്ടില്ലാത്തതിനാല് മേല് ഹര്ത്താല് പ്രഖ്യാപനം നിയമവിരുദ്ധമാണ്. മേല് ദിവസം സംസ്ഥാനത്ത് ഹര്ത്താല് നടത്തുകയോ, ഹര്ത്താലിനെ അനുകൂലിക്കുകയോ ചെയ്താല് ആയതിന്റെ എല്ലാ കഷ്ടനഷ്ടങ്ങള്ക്കും ഉത്തരവാദിത്വം പ്രസ്തുത സംഘടനകളുടെ ജില്ലാ/സംസ്ഥാന നേതാക്കള്ക്കായിരിക്കമെന്നും, അവരുടെ പേരില് നിയമനടപടികള് സ്വീകരിക്കുമെന്നും ഇതിനാല് അറിയിച്ചുകൊള്ളുന്നു.
ഇത് കൂടാതെ 17.12.2019 തീയതിയില് സംസ്ഥാന വ്യാപകമായി നഗരസഭ/പഞ്ചായത്ത് ഉപതെരഞ്ഞെടുപ്പ് നടക്കുന്നുണ്ട്. ഈ സാഹചര്യത്തില് പൊതുജനങ്ങള്ക്ക് വോട്ടവകാശം വിനിയോഗിക്കുന്നതിനും മറ്റും മേല് സൂചിപ്പിച്ച ഹര്ത്താല് പ്രചാരണം തടസ്സം സൃഷ്ടിക്കാന് സാധ്യതയുള്ളതിനാല് തെരഞ്ഞടുപ്പുമായി ബന്ധപ്പെട്ട കുറ്റകൃത്യങ്ങള്ക്കും കൂടി പ്രസ്തുത നേതാക്കള് ഉത്തരവാദികള് ആയിരിക്കുന്നതാണ്
