ലോകത്തിലെ ഏറ്റവും ധനികനായ ഫുട്‌ബോളറുടെ പട്ടികയില്‍ ബാഴ്‌സലോണ സൂപ്പര്‍ താരം ലയണല്‍ മെസി ഒന്നാമത്. രണ്ടാം സ്ഥാനത്ത് യുവന്റസ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ. മൂന്നാം സ്ഥാനത്ത് പി.എസ്.ജിയുടെ താരം നെയ്മറാണ്. പ്രമുഖ ബിസിനസ് മാസികയായ ഫോബ്സ് പുറത്തുവിട്ട പട്ടികയിലാണ് മെസി മുന്നില്‍.
126 ദശലക്ഷം ഡോളറാണ് ഈ വര്‍ഷം ഇതുവരെയുള്ള മെസിയുടെ വരുമാനം. റൊണാള്‍ഡോയുടെ ഈ വര്‍ഷം ഇതുവരെയുള്ള വരുമാനം 117 ദശലക്ഷം ഡോളറാണ്.96 ദശലക്ഷം ഡോളറാണ് നെയ്മറിന്റെ വരുമാനം. 42 മില്യണ്‍ ഡോളര്‍ വരുമാനവുമായി പി.എസ്.ജിയുടെ തന്നെ കിലിയന്‍ എംബാപ്പെ നാലാം സ്ഥാനത്തുണ്ട്.
