കോഴിക്കോട്: ഷിരൂരില് ഗംഗാവലി പുഴയുടെ അടിത്തട്ടില് ജീവന് പൊലിഞ്ഞ അര്ജുന്റെ ഓര്മകള്ക്ക് ഒരു വയസ്. ഒരു നാട് ഒന്നാകെ ഒരു മനുഷ്യന്റെ തിരിച്ചുവരവിന് വേണ്ടി പ്രാര്ഥനയോടെ കാത്തിരുന്ന നാളുകളായിരുന്നു അത്. 2024 ജൂലൈ 16നാണ് കര്ണാടകയിലെ ഷിരൂരില് മണ്ണിടിച്ചിലില് കോഴിക്കോട് കണ്ണാടിക്കല് മൂലാടിക്കുഴിയില് അര്ജുനെ (32) കാണാതായത്. സമാനതകളില്ലാത്ത രക്ഷാദൗത്യനൊടുവില് മലയാളികള് മുഴുവനും ഉറക്കമില്ലാതെ കാത്തിരുന്ന 72 ദിവസങ്ങള്ക്കൊടുവിലാണ് അര്ജുന്റെ ലോറിയും മൃതദേഹവും സെപ്റ്റംബര് 25ന് പുഴയില് നിന്ന് ലഭിച്ചത്.
2024 ജൂലൈ 16നാണ് അങ്കോളക്കടുത്ത് ഷിരൂരിലും പരിസര പ്രദേശങ്ങളിലും ശക്തമായ മഴ പെയ്ത ദിവസമാണ് അപകടമുണ്ടായത്. ദേശീയപാത 66 ല് മലയിടിഞ്ഞ് പുഴയിലേക്ക് പതിക്കുകയായിരുന്നു. അര്ജുനടക്കം 11 പേരാണ് അന്ന് ഗംഗാവാലി പുഴയുടെ അടിത്തട്ടിലേക്ക് ആഴ്ന്നു പോയത്.
