കോഴിക്കോട്: അതിശക്തമായ മഴ തുടരുന്ന സാഹചര്യത്തില്‍ കോഴിക്കോട് കണ്‍ട്രോള്‍ റൂം തുറന്നു. മഴക്കെടുതികളുണ്ടായാല്‍ 1077 എന്ന ടോള്‍ ഫ്രീ നമ്പറിലേക്ക് വിളിക്കാം. 0495-2371002 എന്ന ജില്ലാ എമര്‍ജന്‍സി ഓപ്പറേഷന്‍ സെന്ററിന്റെ നമ്പറിലും സേവനം ലഭ്യമാണ്.
കനത്ത മഴയില്‍ നിരവധിയിടങ്ങളില്‍ വ്യാപക നാശനഷ്ടങ്ങളാണ് രേഖപ്പെടുത്തിയിരിക്കുന്നത്. കോഴിക്കോട് വിവിധ ഭാഗങ്ങളില്‍ വെള്ളത്തിനടയിലായി. താമരശ്ശേരി ചുരത്തില്‍ മരം വീണ് ഗതാഗതം തടസ്സപ്പെട്ടിട്ടുണ്ട്. കക്കാടംപൊയില്‍ മണ്ണ് വീണും ഗതാഗതം തടസ്സപ്പെട്ടു. പയ്യോളി, തിക്കോട്, വടകര പ്രദേശങ്ങളിലും മഴ ശക്തമാണ്. ഓറഞ്ച് അലര്‍ട്ടാണ് നിലവില്‍ ജില്ലയില്‍. കനത്ത മഴ തുടരുന്ന സാഹചര്യത്തില്‍ അലര്‍ട്ടില്‍ മാറ്റമുണ്ടാകാനും സാധ്യതയുണ്ട്.
