ന്യൂഡല്ഹി: പെട്രോളിയം മന്ത്രാലയത്തിന്റെ സ്വാതന്ത്ര്യ ദിന പോസ്റ്റര് വിവാദത്തില്. മഹാത്മാ ഗാന്ധിക്ക് മുകളില് സവര്ക്കര് എന്ന രീതിയിലാണ് പോസ്റ്റര് ഡിസൈന് ചെയ്തിരിക്കുന്നത്. സംഭവത്തില് വിമര്ശനം ശക്തമാകുകയാണ്. പെട്രോളിയം മന്ത്രാലയത്തിന്റെ ട്വിറ്റര് പേജിലാണ് ചിത്രം പങ്കുവെച്ചിരിക്കുന്നത്. ഗാന്ധിജി, സുഭാഷ് ചന്ദ്രബോസ്, ഭഗത് സിംഗ്, സവര്ക്കര് എന്നിവരാണ് പോസ്റ്ററിലുള്ളത്. ഏറ്റവും മുകളിലായിട്ടാണ് സവര്ക്കറുടെ ചിത്രമുള്ളത്. കോണ്ഗ്രസ് അടക്കം വിമര്ശനം ശക്തമാക്കുന്നുണ്ട്. മുഴുവന് സ്വാതന്ത്ര്യ സമര സേനാനികളെയും അപമാനിക്കുന്ന നടപടിയാണ് പെട്രോളിയം മന്ത്രാലയത്തിന്റേത് എന്നാണ് കോണ്ഗ്രസിന്റെ വിമര്ശനം. ആരായിരുന്നു സവര്ക്കര് എന്ന ചോദ്യവും ഉന്നയിക്കുന്നുണ്ട്. വകുപ്പ് കൈകാര്യ ചെയ്യുന്നവര് മറുപടി പറയണം എന്ന ആവശ്യവും ശക്തമാകുന്നുണ്ട്.
ഗാന്ധിക്ക് മുകളില് സവര്ക്കര്, പെട്രോളിയം മന്ത്രാലയത്തിന്റെ സ്വാതന്ത്ര്യ ദിന പോസ്റ്റര് വിവാദത്തില്
