ട്രെയിനിന്റെ ശുചിമുറിയില് നവജാത ശിശുവിന്റെ മൃതദേഹം കണ്ടെത്തി. ധന്ബാദ്-ആലപ്പുഴ ട്രെയിനിന്റെ ശുചിമുറിയിലാണ് കുഞ്ഞിന്റെ മൃതദേഹം കണ്ടെത്തിയത്. ഇന്നലെ രാത്രിയാണ് ട്രെയിന് ധന്ബാദില് നിന്ന് ആലപ്പുഴ റെയില്വെ സ്റ്റേഷനില് എത്തിയത്.
ട്രെയിനിലെ ശുചിമുറിയിലെ വേസ്റ്റ് ബിന്നില് ഉപേക്ഷിക്കപ്പെട്ട നിലയില് ആയിരുന്നു മൃതദേഹം. ആര്പിഎഫ് നടത്തിയ പരിശോധനയില് ആണ് എസ് 3 കോച്ചിലെ ശുചിമുറിയില് മൃതദേഹം കണ്ടത്. സംഭവത്തെക്കുറിച്ച് അന്വേഷണം ആരംഭിച്ചതായി റെയില്വേ അധികൃതര് അറിയിച്ചു.
