കെകെ രമക്കെതിരായ എം എം മണിയുടെ പരാമർശം പറയാൻ പാടില്ലാത്തതായിരുന്നുവെന്ന് സ്പീക്കറുടെ ചുമതല വഹിച്ച് ആ സമയത്ത് സഭയിലെ ചെയറിലുണ്ടായിരുന്ന സിപിഐ എംഎൽഎ ഇ കെ വിജയൻ.സ്പീക്കര് എംബി രാജേഷിന്റെ പ്രൈവറ്റ് സെക്രട്ടറിയോടാണ് സിപിഐ എംഎല്എ കൂടിയായ ഇകെ വിജയന് ഇക്കാര്യം പറഞ്ഞത്. എംഎം മണി സഭയില് വിവാദ പരാമര്ശം നടത്തുമ്പോള് ഇകെ വിജയനാണ് സ്പീക്കര് ചെയറില് ഉണ്ടായിരുന്നത്.സഭാ ടിവിയിലാണ് ഇതിന്റെ ദൃശ്യങ്ങള് ഉള്ളത്.മണിയുടെ പരാമര്ശത്തിനെതിരേ കഴിഞ്ഞ ദിവസം പ്രതിപക്ഷം സഭയുടെ നടുത്തളത്തിലിറങ്ങി പ്രതിഷേധം ശക്തമാക്കിയതിനിടെയാണ് സംഭവം.ശരിക്കും പറയാന് പാടില്ലാത്തത് ആണെന്നും സ്പീക്കര് വരുമോയെന്നുമാണ് ഇ കെ വിജയന് പ്രൈവറ്റ് സെക്രട്ടറിയോട് ചോദിക്കുന്നത്. ഇതിന് പിന്നാലെയാണ് സ്പീക്കര് എംബി രാജേഷ് ചെയറിലെത്തുന്നത്. ഇതിനകം പ്രതിപക്ഷം സഭയില് ബഹളം ആരംഭിച്ചിരുന്നു.
‘ശരിക്കും അത് പറയാന്പാടില്ലാത്തതാണ്, എന്താ ചെയ്യേണ്ടത്, സ്പീക്കര് വരുമോ’;ചെയറിലെ സംഭാഷണം സഭാ ടിവിയിലൂടെ പുറത്ത്
