കുന്ദമംഗലം ഗവ. കോളജിന് വേണ്ടി നിര്‍മ്മിച്ച കുടിവെള്ള പദ്ധതിയുടെ ഉദ്ഘാടനം പി.ടി.എ റഹീം എം.എല്‍.എ നിര്‍വ്വഹിച്ചു. എം.എല്‍.എയുടെ നിയോജകമണ്ഡലം ആസ്തി വികസന ഫണ്ടില്‍ ഉള്‍പ്പെടുത്തി അനുവദിച്ച 15 ലക്ഷം രൂപ ഉപയോഗപ്പെടുത്തിയാണ്
പദ്ധതിയുടെ നിര്‍മ്മാണം പൂര്‍ത്തീകരിച്ചത്.
ചാത്തമംഗലം ഗ്രാമപഞ്ചായത്തിലെ കോട്ടോല്‍ക്കുന്നില്‍ പ്രവര്‍ത്തിച്ചു വരുന്ന ഗവ. കോളജില്‍ കുടിവെള്ള ലഭ്യതയില്ലാത്തത് പ്രതിസന്ധി സൃഷ്ടിച്ചിരുന്നു. ഇതിനുള്ള പരിഹാരമായി ഗ്രാമപഞ്ചായത്ത് മുഖേന ലഭിച്ച സ്ഥലത്താണ് പുതിയ കിണര്‍ കുഴിച്ച് കുടിവെള്ള ലഭ്യതക്കുള്ള സംവിധാനമൊരുക്കിയത്.
ജില്ലാ പഞ്ചായത്ത് പ്രസിഡന്‍റ് ബാബു പറശ്ശേരി, വൈസ് പ്രസിഡന്‍റ് റീന മുണ്ടേണ്ടാട്, കുന്ദമംഗലം ബ്ലോക്ക് പഞ്ചായത്ത് പ്രസിഡന്‍റ് സുനിത പൂതക്കുഴിയില്‍, ചാത്തമംഗലം ഗ്രാമപഞ്ചായത്ത് പ്രസിഡന്‍റ് കെ.എസ് ബീന, വൈസ് പ്രസിഡന്‍റ് ടി.എ രമേശന്‍, പ്രിന്‍സിപ്പല്‍ ഡോ. സജി സ്റ്റീഫന്‍ തുടങ്ങിയവര്‍ സംബന്ധിച്ചു.
