തിരുവനന്തപുരം : സ്വർണക്കടത്തു കേസിൽ മൂന്ന് പ്രതികളെ കൂടി കസ്റ്റംസ് അറസ്റ്റ് ചെയ്തു. അറസ്റ്റിനു ശേഷമുള്ള ചോദ്യം ചെയ്യലിൽ കൂടുതൽ പ്രതികളെ കുറിച്ചുള്ള വിവരം ലഭിച്ചതായും കൂടുതൽ അറസ്റ്റ് ഉണ്ടാകുമെന്നതാണ് സൂചന.
മലപ്പുറം സ്വദേശി മുഹമ്മദ് ഷാഫി, മൂവാറ്റുപുഴ സ്വദേശി ജലാൽ, കൊണ്ടോട്ടി സ്വദേശി ഹംജദ് അലി എന്നിവരാണ് അറസ്റ്റിൽ ആയത്. സ്വർണ്ണം ഇടപാടുകാരിൽ എത്തിക്കുന്ന കണ്ണികളാണ് ഇവരെന്നാണ് സൂചന.
അതേ സമയം ദീർഘകാലമായി കസ്റ്റംസ് അന്വേഷിച്ചിരുന്ന സ്വർണ കള്ളക്കടത്ത് കേസ് പ്രതിയായ ജലാൽ നാടകീയമായാണ് ഇന്നലെ കീഴടങ്ങി. തിരുവനന്തപുരം വിമാനത്താവളത്തിലെ നയതന്ത്ര സ്വർണ്ണക്കടത്തുമായി ബന്ധപ്പെട്ട് പിടിയിലായ റമീസുമായി ഇയാൾക്ക് ബന്ധമുണ്ടെന്നാണ് വിവരം.
