കൊച്ചി: സിനിമ മേഖലയിലെ തര്ക്കത്തില് പ്രതികരണവുമായി പ്രൊഡ്യൂസേഴ്സ് അസോസിയേഷന് ട്രഷററും ഡിസ്ട്രിബ്യൂട്ടേഴ്സ് അസോസിയേഷന് പ്രസിഡന്റുമായ ലിസ്റ്റിന് സ്റ്റീഫന്. സിനിമ താരങ്ങള് പ്രതിഫലം കുറയ്ക്കണമെന്നും അഭിനേതാക്കളില് അഞ്ചു ലക്ഷം രൂപക്ക് മുകളില് പ്രതിഫലം വാങ്ങുന്നവര്ക്ക് ഘട്ടം ഘട്ടമായി പണം നല്കാമെന്ന ധാരണ പ്രൊഡ്യൂസേഴ്സ് അസോസിയേഷന് യോഗത്തില് തീരുമാനിച്ചിരുന്നുവെന്നും ലിസ്റ്റിന് സ്റ്റീഫന് പറഞ്ഞു. ജനറല് ബോഡി യോഗം ചേരാതെ അതില് ഉറപ്പ് പറയാന് സാധിക്കില്ലെന്നാണ് അമ്മ അംഗങ്ങള് അതിന് മറുപടി നല്കിയതെന്നും ലിസ്റ്റിന് സ്റ്റീഫന് പറഞ്ഞു.
സിനിമ താരങ്ങളുടെ പ്രതിഫലത്തിനൊപ്പം സിനിമയിലെ അമിത നികുതി ഭാരവും ചര്ച്ച ചെയ്തിരുന്നു. അന്നത്തെ യോഗത്തില് ആന്റണി പെരുമ്പാവൂര് പങ്കെടുത്തിരുന്നില്ല. ആ യോഗത്തിനുശേഷം വാര്ത്താസമ്മേളനം ഉണ്ടെന്നത് അറിഞ്ഞിരുന്നില്ല. ആന്റണി പെരുമ്പാവൂരും ജി സുരേഷ് കുമാറും തമ്മില് ഒരു മേശക്ക് ഇരുപുറവുമിരുന്ന ചര്ച്ച ചെയ്ത് പ്രശ്നം പരിഹരിക്കാമായിരുന്നു. ഫേസ്ബുക്ക് പോസ്റ്റ് വേണ്ടിയിരുന്നില്ല.
നാളെ സിനിമ സമരം വന്നാല് ഏറ്റവും മുന്നില് നില്ക്കുന്നയാളായിരിക്കും ആന്റണി ആന്റണി പെരുമ്പാവൂര്. ആന്റണി പെരുമ്പാവൂരുമായി സംസാരിച്ചിരുന്നു.ജനുവരിയിലെ സിനിമകളുടെ കളക്ഷന് റിപ്പോര്ട്ട് പുറത്തുവിട്ടത് സുരേഷ് കുമാര് ഒറ്റയ്ക്കെടുത്ത തീരുമാനമല്ല. സമരത്തിനൊപ്പം അല്ല താന്. സമരത്തെ അനുകൂലിക്കുന്ന ഒരാളല്ല താന്. എന്നാല്, ഒരു സംഘടനയിലെ കൂട്ടായ തീരുമാനമാകുമ്പോള് 100ശതമാനം ആ തീരുമാനത്തോട് യോജിച്ച് പോകേണ്ടിവരും. എന്നാല്, ജൂണ് മാസത്തിലാണ് സമരം പ്രഖ്യാപിച്ചിരിക്കുന്നത്. അതിനാല് തന്നെ അതിന്റെ ഇടയില് ഒരുപാട് ചര്ച്ചകള് നടക്കുമെന്നും ലിസ്റ്റിന് സ്റ്റീഫന് പറഞ്ഞു.
