കഴിഞ്ഞ 24 മണിക്കൂറിനിടെ രാജ്യത്ത് 11,271 പേര്ക്ക് കൂടി കൊവിഡ് സ്ഥിരീകരിച്ചു. അതേസമയം, ആശ്വാസമായി കൊവിഡ് മരണങ്ങൾ കുറയുന്നു. 285 മരണമാണ് കൊവിഡ് മൂലം ഇന്നലെ സംഭവിച്ചത്. ഇതോടെ മരിച്ചവരുടെ എണ്ണം 4,63,530 ആയി ഉയര്ന്നു. കൂടാതെ 13,155 പേർ രോഗമുക്തി നേടി. രോഗമുക്തി നിരക്ക് 98.26 ശതമായി തുടരുകയാണെന്ന് കേന്ദ്ര ആരോഗ്യ മന്ത്രാലയം അറിയിച്ചു
വിവിധ സംസ്ഥാനങ്ങളിലായി ചികിത്സയില് കഴിയുന്നവരുടെ എണ്ണത്തില് കുറവ് രേഖപ്പെടുത്തിയിട്ടുണ്ട്. രാജ്യത്ത് നിലവില് 1.35 ലക്ഷം സജീവ കേസുകളാണുള്ളത്. 17 മാസത്തിനിടയില് ആദ്യമായാണ് കേസുകള് ഇത്രയും കുറയുന്നത്.
വിവിധ സംസ്ഥാനങ്ങള്ക്കും കേന്ദ്ര ഭരണ പ്രദേശങ്ങള്ക്കുമായി 57.43 ലക്ഷം വാക്സിന് ഡോസുകളാണ് ശനിയാഴ്ച വിതരണം ചെയ്തത്. ഇതുവരെ ഒരു ഡോസ് വാക്സിനെങ്കിലും സ്വീകരിച്ചവരുടെ എണ്ണം 112 കോടിയായി ഉയര്ന്നതായും കേന്ദ്ര ആരോഗ്യ മന്ത്രാലയം അറിയിച്ചു.
