ദീപാവലി ദിനത്തില്‍ പുതിയ മ്യൂസിക് വീഡിയോയുമായി മമ്ത മോഹന്‍ദാസ്. നേരത്തേ സോഷ്യല്‍ മീഡിയയില്‍ തരംഗമായ ആര്‍.ജെ ഏകലവ്യന്റെ ‘ലോകമേ’ എന്നു തുടങ്ങുന്ന ഗാനം അതേപേരില്‍ തന്നെയാണ് മ്യൂസിക് വീഡീയോ ആയി പുറത്തിറക്കുന്നത്. മമ്ത മോഹന്‍ദാസ് പ്രൊഡക്ഷന്‍സിന്റെ ബാനറില്‍ മമ്ത മോഹന്‍ദാസും നോയല്‍ ബെന്നും ചേര്‍ന്ന് നിര്‍മ്മിക്കുന്ന ഈ മ്യൂസിക് വീഡിയോ ബാനി ചന്ദ്ര ബാബു ആണ് സംവിധാനം ചെയ്യുന്നത്. റാപ്പ്, ഹിപ്പ് ഹോപ്പ് കാറ്റഗറിയില്‍ മ്യൂസിക് 247ഇന്‍ ന്റെ ഒഫീഷ്യല്‍ പേജിലൂടെ പകല്‍ 11 മണിക്കാണ് വീഡിയോ പുറത്തിറക്കുക.
ആര്‍.ജെ ഏകലവ്യന്റെ ഈ ഗാനം നേരത്തെ സോഷ്യല്‍ മീഡിയയില്‍ വന്‍ തരംഗമാണ് സൃഷ്ടിച്ചത്. പുതിയ മ്യൂസിക് വീഡിയോയുടെ ട്രൈലര്‍ ദുല്‍ഖര്‍ സല്‍മാന്റെ ഒഫീഷ്യല്‍ പേജിലൂടെ നേരത്തെ പുറത്തിറക്കിയിരുന്നു. വന്‍ സ്വീകാര്യതയാണ് അതിന് ലഭിച്ചിരുന്നത്.
