കാണം വിറ്റും ഓണം ഉണ്ണണം എന്നാണ് പഴമക്കാര് പറയാറുള്ളത്. അതിനെ അന്വര്ത്ഥമാക്കുന്ന തരത്തില് ഉത്രാട ദിനത്തില് മലയാളികള് ഓട്ടത്തിലായിരിക്കും. ഉത്രാട പാച്ചില് എന്നാണ് ഇതിനെ വിളിക്കുന്നത്. തിരുവോണത്തെ വരവേല്ക്കാനും ഓണസദ്യ ഒരുക്കാനും നാടും നഗരവും ഒരുങ്ങുന്ന ദിനം.
‘ഒന്നാം ഓണം ഓടിയും ചാടിയു’മെന്നാണ് പഴഞ്ചൊല്ല്. ഉത്രാട ദിനമാണ് ഒന്നാം ഓണമായി കണക്കുന്നത്. ഉത്രാടദിനത്തിലെ തിരക്ക് പ്രസിദ്ധമാണ്. തിരുവോണത്തിന് ആവശ്യമായ സാധനങ്ങള് വാങ്ങാനുള്ള തിരക്കിന്റെ ദിവസമായതിനാല് ഉത്രാടപ്പാച്ചില് എന്നൊരു ശൈലി പോലും ഓണവുമായി ബന്ധപ്പെട്ടുണ്ട്. അത്തം ദിനത്തില് ആരംഭിക്കുന്ന പൂക്കളമിടലില് ഏറ്റവും വലിയ പൂക്കളം ഉത്രാടദിനത്തിലാണ് ഒരുക്കുക. ഗുരുവായൂര് ക്ഷേത്രത്തില് ഉത്രാടദിനത്തിലൊരുക്കുന്ന കാഴ്ചക്കുലകളാണ് ഉത്രാടക്കാഴ്ചയെന്ന് അറിയപ്പെടുന്നത്.
