ന്യൂഡൽഹി: രാജ്യത്ത് കോവിഡ് വ്യാപനം അതിരൂക്ഷമായി തുടരുന്നു. തുടർച്ചയായി അഞ്ചാം ദിവസവും കോവിഡ് പ്രതിദിനകണക്കുകൾ 90000 കടന്നു. കഴിഞ്ഞ ദിവസം 92,071പുതിയ കേസുകളാണ് റിപ്പോർട്ട് ചെയ്തിരിക്കുന്നത്. ഇതോടെ രാജ്യത്തെ കോവിഡ് രോഗികളുടെ എണ്ണം 48 ലക്ഷം കടന്നു. ആകെ രോഗികളുടെ എണ്ണം 48,46,428 ആയി
നിലവിൽ 9,86,598 പേരാണ് ചികിൽസയിലുള്ളത് 37,80,108 പേർ രോഗമുക്തരായി. കഴിഞ്ഞ 24 മണിക്കൂറിനിടെ 1,136 പേർ രാജ്യത്ത് മരണപ്പെട്ടു. ഇതോടെ മരണം 79,722 ആയി
തമിഴ്നാട്ടിലെ കോവിഡ് രോഗികളുടെ എണ്ണം അഞ്ചുലക്ഷം കടന്നു. 47,000ത്തിൽ അധികം പേരാണ് ഇവിടെ ചികിൽസയിലുള്ളത്. തമിഴ്നാട്ടിലെ രോഗമുക്തി നിരക്ക് 89 ശതമാനമാണ്.
