സ്വപ്ന സുരേഷിന്റെ മൊഴി ഉന്നതര്ക്ക് ചോര്ത്തിക്കൊടുക്കാന് ശ്രമം നടക്കുന്നുവെന്ന് അനില് അക്കര. എംഎല്എ.മന്ത്രി എ സി മൊയ്തീനും തൃശൂര് മെഡിക്കല് കോളജ് സൂപ്രണ്ടുമാണെന്ന് എം എൽ എ പറഞ്ഞു. ഗൂഢാലോചനയുടെ ഭാഗമായാണ് സ്വര്ണക്കടത്ത് കേസ് പ്രതികളെ ആശുപത്രിയില് പ്രവേശിപ്പിച്ചതെന്നും അനില് അക്കര ആരോപിച്ചു.
കോവിഡ് രോഗികള്ക്കായുള്ള ഒരു പദ്ധതിയുടെ ആലോചനക്കെന്ന് പറഞ്ഞാണ് മന്ത്രിയും കലക്ടറും മെഡിക്കല് കോളജ് സൂപ്രണ്ടും യോഗം ചേര്ന്നത്. എംഎല്എയായ തന്നെ യോഗത്തിലേക്ക് വിളിക്കാതിരുന്നതില് ദുരൂഹതയുണ്ടെന്നും അനില് അക്കരെ ആരോപിച്ചു
അതേ സമയം സ്വപ്നയെയും കെ ടി റമീസിനെയും ആശുപത്രിയിലെത്തിച്ചതില് ദുരൂഹതയുണ്ടന്നും കേന്ദ്ര ഏജൻസികൾ പറയുന്നു. ആറ് ദിവസം മുന്പാണ് സ്വപ്നയെ വിയ്യൂര് ജയിലില് നിന്നും തൃശൂര് മെഡിക്കല് കോളജില് പ്രവേശിപ്പിച്ചത്. ഉന്നതരായ പലര്ക്കും ചോദ്യം ചെയ്യലിന് ഹാജരാകാന് നോട്ടീസ് അയച്ച സാഹചര്യത്തിലാണ് സുരക്ഷാ ഉദ്യോഗസ്ഥരുടെ ഫോണിൽ നിന്നും വിളിച്ചെന്ന ആരോപണം അന്വേഷണം പറഞ്ഞതായി സൂചന. ഇക്കാര്യത്തിലും അന്വേഷണം നടത്തും.
നെഞ്ചുവേദന എന്ന് പറഞ്ഞാണ് സ്വപ്നയെ ആശുപത്രിയില് പ്രവേശിപ്പിച്ചത്. ആശുപത്രി പ്രവേശനത്തിലൂടെ ഫോണില് സംസാരിക്കാന് വഴിയൊരുക്കിയെന്നാണ് അന്വേഷണ ഏജന്സികള് സംശയിക്കുന്നത്.
