മരടില് സുപ്രീംകോടതി പൊളിക്കാന് ഉത്തരവിട്ട ഫ്ലാറ്റ് ഉടമകള്ക്കു പിന്തുണയുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. ഇന്നോ നാളെയോ ആരും ഇറങ്ങിപ്പോകേണ്ടി വരില്ല, ഫ്ലാറ്റ് ഉടമകള്ക്കൊപ്പം സിപിഎം ഉണ്ടാകുമെന്നും സാധ്യമായതെല്ലാം സംസ്ഥാന സര്ക്കാര് ചെയ്യുമെന്നും കോടിയേരി പറഞ്ഞു.
രാവിലെ മരടിലെത്തിയ കോടിയേരി സമരക്കാരുമായി ചര്ച്ച നടത്തി. എല്ലാ വശങ്ങളും പരിശോധിച്ചാണ് വിധിക്കേണ്ടത്. ഫ്ലാറ്റ് ഉടമസ്ഥര്ക്കു പറയാനുള്ളത് കോടതി കേട്ടില്ല. സാധാരണ രീതിയില് സുപ്രീം കോടതിയില് നിന്നു ഉണ്ടായിട്ടുള്ള നടപടിയല്ല ഇത് എന്നും അദ്ദേഹം കൂട്ടിച്ചേര്ത്തു.
