ജിത്തു മാധവൻ സംവിധാനം ചെയ്ത് സൗബിൻ ഷാഹിർ കേന്ദ്ര കഥാപാത്രമായി എത്തുന്ന ‘രോമാഞ്ചം’ എന്ന ചിത്രത്തിന്റെ റിലീസ് മാറ്റിവച്ചു. ടെക്നിക്കൽ പ്രശ്നം കാരണമാണ് റിലീസ് മാറ്റിവയ്ക്കുന്നതെന്ന് അണിയറ പ്രവർത്തകർ അറിയിച്ചു. ഒക്ടോബര് 14നാണ് രോമാഞ്ചം തിയറ്ററുകളിൽ എത്തുമെന്ന് അറിയിച്ചിരുന്നത്. ഹൊറര് കോമഡി ചിത്രമായാണ് ചിത്രം ഒരുക്കിയിരിക്കുന്നത്. 2007ല് ബാംഗ്ലൂരില് പഠിക്കുന്ന ഒരു കൂട്ടം സുഹൃത്തുക്കള്ക്കിടയില് നടക്കുന്ന കഥയാണ് ചിത്രത്തിന്റേത്.ജോണ്പോള് ജോര്ജ് പ്രൊഡക്ഷന്സ്, ഗപ്പി സിനിമാസ് എന്നീ ബാനറുകളില് ജോണ്പോള് ജോര്ജ്, ഗിരീഷ് ഗംഗാധരന്, സൌബിന് ഷാഹിര് എന്നിവരാണ് നിര്മ്മാണം. അന്നം ജോണ്പോള്, സുഷിന് ശ്യാം എന്നിവരാണ് സഹ നിര്മ്മാതാക്കള്.അര്ജുന് അശോകന്, ചെമ്പന് വിനോദ് ജോസ്, സജിന് ഗോപു, സിജു സണ്ണി, അഫ്സല് പി എച്ച്, അബിന് ബിനൊ, ജഗദീഷ് കുമാര്, അനന്തരാമന് അജയ്, ജോമോന് ജ്യോതിര്, ശ്രീജിത്ത് നായര്, ദീപിക ദാസ്, അസിം ജമാല്, ആദിത്യ ഭാസ്കര്, തങ്കം മോഹന്, ജോളി ചിറയത്ത്, സുരേഷ് നായര്, നോബിള് ജെയിംസ്, സൂര്യ കിരണ്, പൂജ മഹന്രാജ്, പ്രേംനാഥ് കൃഷ്ണന്കുട്ടി, സ്നേഹ മാത്യു, സിബി ജോസഫ്, ജമേഷ് ജോസ്, അനസ് ഫൈസാന്, ദീപക് നാരായണ് ഹുസ്ബെ, അമൃത നായര്, മിമിക്രി ഗോപി, മിത്തു വിജില്, ഇഷിത ഷെട്ടി തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു.സമീർ താഹിറിന്റെ സഹഛായാഗ്രാഹകനും സഹോദരനുമായ സനു താഹിറാണ് രോമാഞ്ചത്തിന്റെ ഛായാഗ്രഹണം നിർവ്വഹിച്ചിരിക്കുന്നത്.
ടെക്നിക്കൽ പ്രശ്നം;രോമാഞ്ചമെത്താൻ വൈകും
