കുന്ദമംഗലം: മെയ് 22ന് അവസാന വെള്ളിയാഴ്ച സി.എച്ച്.സെന്റർ കലക്ഷൻ എടുക്കാൻ മുന്നിട്ടിറങ്ങണമെന്ന് പാണക്കാട് ഹൈദരലി ശിഹാബ് തങ്ങളുടെ അഭ്യർത്ഥന പ്രകാരം ഫണ്ട് ശേഖരണത്തിന് നിയോജക മണ്ഡലം മുസ്ലീം ലീഗ് കർമ്മ പദ്ധതിക്ക് രൂപം നൽകി.വാർഡ് തോറും ഓൺലൈൻ ഫണ്ട് ശേഖരണം നടത്തിയും നാലാൾ വീതം ഉൾകൊള്ളുന്ന സ്ക്വാഡ് രൂപീകരിച്ച് വീടുകൾ കയറിയും ഫണ്ട് സ്വരൂപിക്കും.
ഇത് സംബന്ധമായി ചേർന്ന ഓൺലൈൻ മീറ്റിങ്ങിൽ പ്രസിഡണ്ട് കെ.മൂസ്സ മൗലവി അദ്ധ്യക്ഷം വഹിച്ചു. മണ്ഡലം ജന:സിക്രട്ടറി ഖാലിദ് കിളി മുണ്ട സ്വാഗതം പറഞ്ഞു. ജില്ലാ മുസ്ലീം ലീഗ് ജനറൽ സിക്രട്ടറിയും സി.എച്ച് സെന്റർ ജന: സിക്രട്ടറിയുമായ എം.എ.റസാക്ക് മാസ്റ്റർ ഉദ്ഘാടനം നിർവ്വഹിച്ചു.
മുൻ എം എൽ എ യു.സി.രാമൻ,കെ.എ.ഖാദർ മാസ്റ്റർ, പി കെ.ഫിറോസ്, എൻ.പി.ഹംസ മാസ്റ്റർ,എ.ടി.ബഷീർ, കെ.പി.കോയ, എം.പി.മജീദ്, സി.മരക്കാർ കുട്ടി, എം.പി.അഹമ്മദ്, കെ.കെ.കോയ ഹാജി, മങ്ങാട്ട് അബ്ദുറസാക്ക്, വി.പി.മുഹമ്മദ് മാസ്റ്റർ, കെ എം.എ.റഷീദ് ,ടി.എം.സി.അബൂബക്കർ ,എ.പി.സഫിയ, ഒ എം നൗഷാദ്, ജാഫർ സാദിഖ് ,റംല പെരുവയൽ, ശിഹാബ് പാലക്കുറ്റി,.യു.എ.ഗഫൂർ.., മുഹാദു്, വി പി .കുഞ്ഞഹമ്മദ് ഹാജി ആശംസ പ്രസംഗം നടത്തി.
