കമ്യൂണിസ്റ്റ് പേരും ചെങ്കൊടിയും ഉപേക്ഷിക്കേണ്ടിയിരുന്ന പാര്ട്ടിയാണ് സിപിഐ എന്ന് സിപിഐഎം സൈദ്ധാന്തിക പ്രസിദ്ധീകരണമായ ചിന്തയിലെ വിമര്ശനത്തിന് ‘നവയുഗം’ മറുപടി നൽകുമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ.
സന്ദര്ഭം കിട്ടിയപ്പോഴൊക്കെ ബൂര്ഷ്വാ പാര്ട്ടികള്ക്കൊപ്പം അധികാരം പങ്കിട്ടവരാണ് സിപിഐ. ഇടതുപക്ഷത്തെ തിരുത്തല് ശക്തിയെന്ന് സ്വയം അവകാശപ്പെട്ട് രംഗത്തുവന്നിരിക്കുകയാണെന്നും പലപ്പോഴും വലതുപക്ഷ മാധ്യമങ്ങള് സിപിഐഎമ്മിനെ കുത്താനുള്ള ഒരുപാധിയായി സിപിഐക്ക് ഈ പദവി ചാര്ത്തിക്കൊടുക്കാറുണ്ടെന്നും തിരുത്തല് വാദത്തിന്റെ ചരിത്രവേരുകള് എന്ന തലക്കെട്ടിലുള്ള ലേഖനത്തില് പറയുന്നു. ഇ രാമചന്ദ്രന് ആണ് ലേഖനം എഴുതിയത്.അതേസമയം, സിപിഐക്കെതിരായ ചിന്തയിലെ വിമര്ശനം എഡിറ്റോറിയല് ലേഖനമല്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ മറുപടി നൽകി. വായനക്കാരുടെ പ്രതികരണമാണത്. നിലപാട് പറയാനുണ്ടെങ്കില് സിപിഎം തന്നെ പറയും.ആരുടേയും ശീട്ട് വേണ്ടെന്നും കോടിയേരി പറഞ്ഞു. നവയുഗത്തില് മറുപടി പറയുന്നത് സിപിഐയുടെ അവകാശമാണെന്നും അദ്ദേഹം കൂട്ടിച്ചേർത്തു.
ചിന്ത’യിലെ വിമർശനം; മറുപടി ‘നവയുഗ’ത്തിലെന്ന് കാനം,
