എക്സൈസ് വകുപ്പ് പിടിച്ചെടുത്ത 50 ലക്ഷം രൂപയിൽ 10 ലക്ഷം രൂപ അപ്രത്യക്ഷമായതായി പരാതി.തോല്പെട്ടി എക്സൈസ് ചെക്പോസ്റ്റില് നടത്തിയ വാഹനപരിശോധനയില് കഴിഞ്ഞ ശനിയാഴ്ച്ച അമ്പതുലക്ഷംരൂപ പിടികൂടിയെന്ന് എക്സൈസ് ഉദ്യോഗസ്ഥര് അറിയിച്ചിരുന്നു.ബാംഗ്ലൂരിൽ നിന്നും കോഴിക്കോട് പോകുന്ന കോൺട്രാക്ട് കാരിയേജ് ബസിലെ യാത്രക്കാരനായ തമിഴ്വാട് മധുര സ്വദേശി വിജയ്ഭാരതി (40) യില് നിന്നു൦ മതിയായ രേഖകൾ ഇല്ലാതെ അനധികൃതമായി കൈവശം വെച്ച അരക്കോടി രൂപയുടെ കുഴൽപ്പണ൦ പിടിച്ചെടുത്തത്. പിടികൂടിയ പണം അരക്കോടിയെന്നാണ് എക്സൈസ് കോടതിയെ അറിയിച്ചത്. ഇതുതന്നെയാണ് മാധ്യമങ്ങള്ക്കും നല്കിയ കണക്ക്. എന്നാല്, കോടതിയിലെത്തിയ പണം എണ്ണിയപ്പോള് പത്തുലക്ഷംരൂപ കുറഞ്ഞ് നാല്പതുലക്ഷമായി.കള്ളപണം പിടിച്ചെടുത്ത ദിവസം ബാങ്ക് അവധിയായിരുന്നതിനാലാണ് മറ്റൊരു ദിവസം പണമടങ്ങിയ ബാഗ് ബാങ്കില് എത്തിച്ചത്.
നോട്ടുകെട്ടുകൾ എണ്ണിയതിൽ വന്ന ശ്രദ്ധകുറവാണ് ഇത്തരമൊരു അബദ്ധത്തിന് പിന്നിലെന്നാണ് ഡ്യൂട്ടിയിലുണ്ടായിരുന്ന എക്സൈസ് ഉദ്യോഗസ്ഥർ പറയുന്നത്.കസ്റ്റഡിയിലെടുത്തത് നാല്പതുലക്ഷംരൂപ തന്നെയാണെന്നും കണക്ക് കൊടുക്കുമ്പോള് മാറിപ്പോയതാണെന്നുമാണ് എക്സൈസ് നല്കിയ വിശദീകരണം. സംഭവത്തിൽ ദുരൂഹതയുള്ളതിനാൽ എക്സൈസ് അസി. കമ്മീഷണറുടെ നേതൃത്വത്തിൽ അന്വേഷണം തുടങ്ങി.
