എറണാകുളം : വൈദ്യ പരിശോധനയ്ക്ക് ശേഷം സ്വർണ്ണക്കടത്ത് കേസിൽ പ്രതികളായ സ്വപ്ന സുരേഷിനെയും സന്ദീപ് നായരെയും എൻ ഐ എ ആസ്ഥാനത്ത് എത്തിച്ചു. കൊച്ചിയിലെ എൻ ഐ എ ആസ്ഥാനത്ത് തടിച്ചു കൂടിയ ബി ജെ പി,യൂത്ത് കോൺഗ്രസ് പ്രവർത്തകർക്ക് നേരെ പോലീസ് ലാത്തി വീശി.
ലോക്ക് ഡൌൺ നിയന്ത്രണമുള്ള തിരുവനന്തപുരത്ത് നിന്ന് സ്വപ്ന സുരേഷും സന്ദീപ് നായരും സർക്കാർ സഹായത്തോടെയാണ് ബാംഗ്ലൂർ എത്തിയതെന്ന് ആരോപിച്ചായിരുന്നു യൂത്ത് കോൺഗ്രസ് എൻ ഐ എ ആസ്ഥാനത്ത് പ്രതിഷേധം സംഘടിപ്പിച്ചത്. അതെ സമയം എൻ ഐ എ നടപടിയെ അഭിനന്ദിച്ചു മുദ്രവാക്യം ഉയർത്തിയാണ് ബിജെപി ഒത്തു കൂടിയത്.
