കൊറോണ ലോക വ്യാപകമായി പടരുന്നതിനിടെ ഇന്ത്യയിലേക്കുള്ള എല്ലാ വിസകളും കേന്ദ്രസര്ക്കാര് റദ്ദാക്കി. ഏപ്രില് 15 വരെയുള്ള വിസകളാണ് റദ്ദാക്കിയിരിക്കുന്നത്. നേരത്തെ കൊവിഡ് 19 ബാധ സ്ഥിരീകരിച്ച രാജ്യങ്ങള്ക്ക് മാത്രമായിരുന്നു വിലക്ക്. കേന്ദ്ര ആരോഗ്യമന്ത്രി ഹര്ഷവര്ധന്റെ നേതൃത്വത്തില് ചേര്ന്ന യോഗത്തിലാണ് പുതിയ തീരുമാനം
വിസ വിലക്ക് വെള്ളിയാഴ്ച മുതല് നിലവില് വരും. അതേസമയം വൈറസ് ബാധയുടെ പശ്ചാത്തലത്തില് അന്താരാഷ്ട്ര തലത്തിലുള്ള പ്രവര്ത്തനങ്ങള് ഏകോപിപ്പിക്കാന് ഇന്ത്യ നോഡല് ഓഫീസറെ നിയമിക്കും. നാളെ സംസ്ഥാന ധനമന്ത്രിമാരുമായി നടത്താനിരുന്ന ഫിനാന്സ് കമ്മീഷന്റെ യോഗം മാറ്റിവെച്ചിട്ടുണ്ട്. കൊവിഡ് 19 ലോകാരോഗ്യ സംഘടനയാണ് ആഗോള മഹാമാരിയായി പ്രഖ്യാപിച്ചത്. നൂറിലധികം രാജ്യങ്ങളില് രോഗം പടര്ന്നു പിടിച്ച സാഹചര്യത്തിലാണ് തീരുമാനം.
