കുന്ദമംഗലം;മരിച്ചുകൊണ്ടിരിക്കുന്ന ഭാരതപ്പുഴയെ പുനരുജ്ജീവനിക്കാനുള്ള ഉദ്ദേശത്തില്‍ ഭാരതപ്പുഴയെക്കുറിച്ച് പഠനം നടത്തുന്നതിനായി ഇ. ശ്രീധരന്‍ സിഡബ്യുആര്‍ഡിഎമ്മിലെത്തി. ഭാരതപ്പുഴയെ പുനരുജ്ജീവനിക്കുന്നതുമായി ബന്ധപ്പെട്ട് സിഡബ്ല്യുആര്‍ഡിഎം നേരത്തെ പഠനങ്ങള്‍ നടത്തിയിരുന്നു. ഫ്രണ്ട്‌സ് ഓഫ് ഭാരതപ്പുഴ എന്ന കൂട്ടായ്മയാണ് മരിച്ചുകൊണ്ടിരിക്കുന്ന ഭാരതപ്പുഴയെ നാളത്തെ തലമുറയ്ക്കും പ്രകൃതിക്കും വേണ്ടി നിലനിര്‍ത്തുക എന്ന ഉദ്ദേശത്തോടെ പ്രവര്‍ത്തിക്കുന്നത്. ഇതിന്റെ ഭാഗമായി ആവശ്യത്തിലുള്ള രേഖകളും വിവരങ്ങളും അദ്ദേഹം ശേഖരിച്ചു. സിഡബ്ല്യുആര്‍ഡിഎം ഡയറക്ടര്‍ എ.ബി അനിത, ഡോക്ടര്‍ മാധവന്‍ കോമത്ത്, ഡോക്ടര്‍ പി.എച്ച് ഹരികുമാര്‍, ഡോക്ടര്‍ ദിനേശ് എന്നിവരുമായി ആശയവിനിമയമ നടത്തിയ അദ്ദേഹത്തിന് ഭാരതപ്പുഴയുടെ പുനരുജ്ജീവന പ്രവര്‍ത്തനങ്ങള്‍ക്ക് സിഡബ്ല്യുആര്‍ഡിഎമ്മിന്റെ എല്ലാ സഹകരണവും വാഗ്ദാനം ചെയ്തു.
ഭാരതപ്പുഴയ്ക്ക് പുനരുജ്ജീവനം; ഇ.ശ്രീധരന്‍ സിഡബ്ല്യുആര്‍ഡിഎം സന്ദര്‍ശിച്ചു
