കൊച്ചി: പന്തീരങ്കാവ് യു.എ.പി.എ കേസില് കൊച്ചി എന്.ഐ.എ കോടതി ജാമ്യം അനുവദിച്ച അലന് ഷുഹൈബ്, താഹ ഫസല് എന്നിവര് ഇന്ന് ജയില് മോചിതരാവും. നടപടികള് പൂര്ത്തിയാക്കി ഉച്ചയോടെ ഇരുവര്ക്കും പുറത്തിറങ്ങാന് കഴിയുമെന്നാണ് കരുതുന്നത്. പാസ്പോര്ട്ട് കെട്ടിവെക്കല് ഉള്പ്പെടെ 11 ഉപാധികളോടെയാണ് കോടതി ജാമ്യം നല്കിയിരിക്കുന്നത്.
പതിനഞ്ചു മാസങ്ങൾക്കു ശേഷമാണ് ജാമ്യം ലഭ്യമാകുന്നത് ഇരുവരുടെയും ജാമ്യക്കാരായി രക്ഷിതാക്കളില് ഒരാളും അടുത്ത ബന്ധുവും കൊച്ചി എന്.ഐ.എ കോടതിയില് ഹാജരാവും.
കഴിഞ്ഞ വര്ഷം നവംബര് ഒന്നിനാണ് പന്തീരങ്കാവ് പൊലീസ് യു.എ.പി.എ ചുമത്തി അലനെയും താഹയെയും അറസ്റ്റ് ചെയ്തത്.
അതേസമയം ഇരുവര്ക്കും ജാമ്യം നല്കിയ എന്.ഐ.എ കോടതിയുടെ നടപടി സ്റ്റേ ചെയ്യണമെന്നാവശ്യപ്പെട്ട് എന്.ഐ.എ ഹൈക്കോടതിയില് അപ്പീല് നല്കും. ഹൈക്കോടതി സിംഗിള് ബെഞ്ചിലാണ് ജാമ്യത്തിനെതിരെ അപ്പീല് സമര്പ്പിക്കുന്നത്. സെപ്തംബര് 9 നാണ് അലനും താഹയ്ക്കും എന്.ഐ.എ കോടതി ജാമ്യം അനുവദിച്ചിരുന്നത്.
