കൊച്ചി: തൃപ്പൂണിത്തുറ നിയമസഭാ തെരഞ്ഞെടുപ്പ് കേസില് കെ ബാബു എംഎല്എയ്ക്ക് ആശ്വാസം. കെ ബാബുവിന്റെ തെരഞ്ഞെടുപ്പ് വിജയം റദ്ദാക്കണമെന്ന് ആവശ്യപ്പെട്ടുകൊണ്ടുള്ള എം സ്വരാജിന്റെ ഹര്ജി ഹൈക്കോടതി തള്ളി. മതചിഹ്നങ്ങള് ഉപയോഗിച്ച് തെരഞ്ഞെടുപ്പില് കെ ബാബു വോട്ട് പിടിച്ചെന്ന് ആരോപിച്ച് സ്വരാജ് നല്കിയ ഹര്ജിയിലാണ് ഹൈക്കോടതിയുടെ ഉത്തരവ്. ഇതോടെ കെ ബാബുവിന് എംഎല്എയായി തുടരാം. ജസ്റ്റിസ് പി ജി അജിത്കുമാറിന്റേതാണ് വിധി.
തെരഞ്ഞെടുപ്പ് സമയത്ത് വീടുകളില് വിതരണം ചെയ്ത വോട്ടേഴ്സ് സ്ലിപ്പില് സ്ഥാനാര്ത്ഥിയുടെ ഫോട്ടോയ്ക്ക് ഒപ്പം അയ്യപ്പന്റെ ചിത്രം ഉപയോഗിച്ചെന്നായിരുന്നു സ്വരാജ് ഹര്ജിയില് ആരോപിച്ചിരുന്നത്. കെ ബാബു തോറ്റാല് അയ്യപ്പന് തോല്ക്കുന്നതിന് തുല്യമാണെന്ന് കാണിച്ച് മണ്ഡലത്തില് പ്രചാരണം നടത്തി എന്നും സ്വരാജ് കോടതിയെ അറിയിച്ചിരുന്നു. സാക്ഷികള് പറഞ്ഞതൊന്നും സംശയത്തിന് അതീതമായി തെളിയിക്കാന് കഴിഞ്ഞിട്ടില്ലെന്ന് ഹൈക്കോടതി നിരീക്ഷിച്ചു.
