കല്പറ്റ: നൂല്പ്പുഴയില് കാട്ടാന ആക്രമണത്തില് കൊല്ലപ്പെട്ട മാനുവിന്റെ ഭാര്യയെ കാണാനില്ലെന്ന് വിവരം. മാനുവിന്റെ മൃതദേഹത്തിന് തൊട്ടടുത്ത് നിന്നും ഭാര്യയുടെ ഷാള് കണ്ടെടുത്തിട്ടുണ്ട്. കാട്ടാന ആക്രമണത്തില് ഒരാള്ക്ക് കൂടി പരിക്കേറ്റതായി സംശയമുണ്ടെന്ന് ഐ സി ബാലകൃഷ്ണന് എംഎല്എ അറിയിച്ചിരുന്നു. നൂല്പ്പുഴ കാപ്പാട് ഉന്നതിയിലെ മാനു (45) ആണ് കാട്ടാനയുടെ ആക്രമണത്തില് കൊല്ലപ്പെട്ടത്
ഇന്നലെ വൈകിട്ടാണ് മനുവിനെ കാട്ടാന ആക്രമിച്ചത്. കടയില് പോയി സാധനങ്ങള് വാങ്ങി തിരികെ വരുന്നതിനിടെയാണ് ആക്രമണം ഉണ്ടായത്. വയനാട്ടിലെ അതിര്ത്തിയിലുള്ള പഞ്ചായത്താണ് നൂല്പ്പുഴ. വനാതിര്ത്തി മേഖലയിലാണ് സംഭവമെന്നാണ് വിവരം. പാടത്ത് മരിച്ച നിലയിലാണ് മനുവിനെ കണ്ടെത്തിയത്. കാട്ടാന ശല്യമുള്ള മേഖലയിലാണ് സംഭവം.
അതേ സമയം മൃതദേഹം സ്ഥലത്ത് നിന്ന് മാറ്റാന് അനുവദിക്കാതെ നാട്ടുകാര് പ്രതിഷേധം തുടരുകയാണ്. കളക്ടര് വരാതെ മൃതദേഹം മാറ്റാന് അനുവദിക്കില്ലെന്നാണ് നാട്ടുകാരുടെ നിലപാട്. തുടര്ച്ചയായ ആക്രമണങ്ങള് തടയാന് ഒന്നും ചെയ്യുന്നില്ലെന്നാണ് ഇവരുടെ വിമര്ശനം.
