മുത്തൂറ്റ് ശമ്പളവര്‍ധനവ് അംഗീകരിക്കില്ലെന്ന് മാനേജ്മെന്റ്. എന്നാൽ മാനേജ്‌മെന്റിന്റെയും ജീവനക്കാരുടെ സംഘടനാ പ്രതിനിധികളുമായി നടത്തിയ ചര്‍ച്ചയില്‍ പല കാര്യങ്ങളിലും ധാരണയായതായി തൊഴില്‍മന്ത്രി ടി പി രാമകൃഷ്ണന്‍ വ്യക്തമാക്കി. എല്ലാ കാര്യങ്ങളിലും ധാരണയുണ്ടാക്കാനായിട്ടില്ല. അതിനായി ഇരുഭാഗത്തും കൂടുതല്‍ കൂടിയാലോചനകള്‍ വേണ്ടിവരും. ഓണത്തിന് ശേഷം വീണ്ടും ചര്‍ച്ച നടക്കുംമെന്നും അദ്ദേഹം വ്യക്തമാക്കി.
അതേസമയം മുത്തൂറ്റ് ഫിനാന്‍സ് കേരളത്തിലെ 15 ശാഖകള്‍ പൂട്ടൂന്നുവെന്ന വാർത്ത വന്നിരുന്നു. പണയം വെച്ച വസ്തുക്കള്‍ തിരിച്ചെടുത്ത് വായ്പ തീര്‍ക്കാന്‍ ഇടപാടുകാര്‍ക്ക് മൂന്ന് മാസത്തെ സമയം അനുവദിച്ച് പത്രപരസ്യത്തിലൂടെയാണ് മുത്തൂറ്റ് ഫിനാന്‍സ് മാനേജ്മെന്റ് ഇക്കാര്യം വ്യക്തമാക്കിയത്.
