ചാത്തമംഗലം: ചാത്തമംഗലം ഗ്രാമപഞ്ചായത്തിലെ പുല്‍പറമ്പ്-പാഴൂര്‍ കൂളിമാട് റോഡിന്റെ 4 കോടി രൂപ ചെലവില്‍ നടത്തുന്ന പരിഷ്‌കരണ പ്രവൃത്തികള്‍ ഉടന്‍ ആരംഭിക്കും. 25 കോടി രൂപ ചെലവില്‍ പ്രവൃത്തി പുരോഗമിക്കുന്ന കൂളിമാട് പാലവുമായി ബന്ധിപ്പിക്കുന്ന ഈ റോഡ് മണാശ്ശേരി, മുക്കം ഉള്‍പ്പെടെയുള്ള മലയോര ഭാഗങ്ങളില്‍ നിന്നുള്ളവര്‍ക്ക് മലപ്പുറം ജില്ലയിലേക്കും കരിപ്പൂര്‍ എയര്‍പോര്‍ട്ടിലേക്കും എളുപ്പത്തില്‍ എത്തിച്ചേരുന്നതിന് സഹായകമാവും.
മെഡിക്കല്‍ കോളേജ് മാവൂര്‍ റോഡുമായി ബന്ധിപ്പിക്കുന്ന ഈ റോഡിന്റെ പ്രവൃത്തി ഉദ്ഘാടനം കേരളാ പൊതുമരാമത്തും രജിസ്‌ട്രേഷനും വകുപ്പ് മന്ത്രി ജി. സുധാകരന്‍ ജൂലൈ 12 ന് വെള്ളിയാഴ്ച വൈകുന്നേരം 6 മണിക്ക് പാഴൂരില്‍ വെച്ച് നിര്‍വ്വഹിക്കും്. അഡ്വ. പി.ടി.എ റഹീം എം.എല്‍.എ പരിപാടിയില്‍ അദ്ധ്യക്ഷത വഹിക്കും.
