മാരക ലഹരി വസ്തുവുമായി രണ്ടു പേരെ കുന്ദമംഗലം പോലീസ് പിടികൂടി. ഇവരിൽ നിന്ന് 380 ഗ്രാം എംഡി എം എ പിടിച്ചെടുത്തു. കോഴിക്കോട് മുക്കം സ്വദേശി നസ്ലിൻ മുഹമ്മദ് കിളിക്കോട്ട് തടായിൽ കൊടിയത്തൂർ, ശഹാദ് കെ.പി , എന്നിവരെയാണ് പിടികൂടിയത്. ഇവർ വ്യാപകമായി ലഹരി കടത്തുന്ന സംഘത്തിലെ അംഗങ്ങളാണെന്ന് പോലീസ് പറഞ്ഞു.
ലഹരി കടത്തുന്നുണ്ടെന്ന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഇവർ പിടിയിലാകുന്നത്. ഇവർക്ക് ലഹരി കടത്തിലെ വലിയ കണ്ണികളുമായി ബന്ധമുണ്ടെന്നാണ് പോലീസ് നൽകുന്ന വിവരം. സംഭവത്തിൽ ലഹരി മാഫിയക്കെതിരെ അന്വേഷണം ഊർജിതമാക്കിയിട്ടുണ്ട്.
പോലീസ് അസിസ്റ്റൻറ് കമ്മീഷണർ സുദർശൻ, സ്റ്റേഷൻ ഹൗസ് ഓഫീസർ യൂസഫ് നടത്തറമ്മൽ, എസ് ഐ മുഹമ്മദ് അഷ്റഫ് തുടങ്ങിയ പോലീസുകാരുടെ നേതൃത്വത്തിലാണ് പരിശോധന നടത്തി ബാംഗ്ലൂരിൽ നിന്ന് കോഴിക്കോട്ടേക്ക് വരുന്ന വഴി പ്രതികളെ പിടികൂടിയത്.
