രാജ്യത്തെ കോവിഡ് വാക്സിൻ വിതരണവുമായി ബന്ധപ്പെട്ട് പ്രധാനമന്ത്രി സംസ്ഥാന മുഖ്യമന്ത്രിമാരുമായി നാളെ കൂടിക്കാഴ്ച നടത്തും. ഡ്രഗ്സ് കൺട്രോളർ ജനറൽ ഓഫ് ഇന്ത്യ രാജ്യത്ത് രണ്ടു വാക്സിനുകൾക്ക് അടിയന്തര അനുമതി നൽകിയതിന് ശേഷമാണ് ഈ കൂടിക്കാഴ്ച.രാജ്യത്ത് ജനുവരി 16 മുതലാണ് വാക്സിനേഷൻ തുടങ്ങുക. ഓക്സ്ഫഡും ആസ്ട്രസെനകയും ചേർന്ന് നിർമിച്ച കോവിഷീൽഡ്, ഇന്ത്യ തദ്ദേശീയമായി നിർമിച്ച ഭാരത് ബയോടെകിന്റെ കോവാക്സിൻ എന്നിവക്കാണ് അടിയന്തര ഉപയോഗത്തിന് അനുമതി.
