കൊച്ചിയിൽ 88 ലക്ഷം രൂപയുടെ കള്ളപ്പണം പിടിച്ചെടുത്ത സംഭവത്തിൽ കോൺഗ്രസ് എംഎൽഎ പി ടി തോമസിൻറെ പങ്ക് എന്തെന്ന് പരിശോധിക്കുമെന്ന് ആദായ നികുതി വകുപ്പ്.
കഴിഞ്ഞ ദിവസമാണ് ഇടപ്പളളി അഞ്ചുമന ക്ഷേത്രത്തിനടുത്തുളള രാജീവൻ എന്നയാളുടെ വീട്ടിൽ നിന്ന് ആദായ നികുതി വകുപ്പ് പണം കണ്ടെടുത്തത്.
തൻ്റെ മുൻ ഡ്രൈവറുടെ ഭൂമി സംബന്ധമായ പ്രശ്നങ്ങൾ പരിഹരിയ്ക്കുന്നതിനായാണ് സ്ഥലത്തെത്തിയതെന്ന് എം.എൽ.എ വിശദീകരിച്ചിരുന്നു. ഇടപാടുകൾ തീർത്ത ശേഷം തിരിച്ചു കാറിലെത്തും വഴി ചിലർ അവിടേയ്ക്ക് പോകുന്നതു കണ്ടു. ആദായനികുതി വകുപ്പ് ഉദ്യോഗസ്ഥരാണെന്ന് പിന്നീടാണ് അറിഞ്ഞതെന്നും തൃക്കാക്കര എംഎൽഎ പി ടി തോമസ് പ്രതികരിച്ചു.
എന്നാൽ കള്ളപ്പണവുമായി എം എൽ എ യുടെ ബന്ധമെന്തെന്ന് കണ്ടെത്തണമെന്ന് ഇടതു സംഘടനകൾ അറിയിച്ചു.
