തൃശൂര്: വിവാഹ വാഗ്ദാനം നല്കി യുവതിയുടെ നഗ്നചിത്രങ്ങള് പകര്ത്തി ഭീഷണിപ്പെടുത്തി പീഡിപ്പിച്ച കേസില് പ്രതി പിടിയില്. കാക്കത്തുരുത്തി സ്വദേശി വലിയപറമ്പില് വീട്ടില് രഞ്ചിഷ് (49) ആണ് അറസ്റ്റിലായത്. യുവതിയെ വിവാഹം കഴിക്കാമെന്ന് പറഞ്ഞ് പ്രണയം നടിച്ച് പ്രതി കെണിയില് പെടുത്തുകയായിരുന്നുവെന്ന് പൊലീസ് പറഞ്ഞു.
പ്രണയം നടിച്ച് യുവതിയെ ആദ്യം രഞ്ചിഷ് വശത്താക്കി. പിന്നീട് വിവാഹ വാഗ്ദാനം നല്കിയാണ് യുവതിയുടെ നഗ്ന ചിത്രങ്ങള് ഇയാള് കൈക്കലാക്കിയത്. പിന്നീട് ഈ ചിത്രങ്ങള് സോഷ്യല് മീഡിയയിലൂടെ പ്രചരിപ്പിക്കുമെന്ന് ഭീഷണിപ്പെടുത്തി യുവതിയെ പല സ്ഥലങ്ങളിലെത്തിച്ച് നിരവധി തവണ യുവാവ് പീഡിപ്പിച്ചു. നിരന്തരമായ ഭീഷണിക്കും പീഡനത്തിനും ഇരയായ യുവതി ഒടുവില് പൊലീസിനെ സമീപിക്കുകയായിരുന്നു.
യുവതിയുടെ പരാതിയില് കേസെടുത്ത കാട്ടൂര് പൊലീസ് രഞ്ചിഷിനെ അറസ്റ്റ് ചെയ്തു. ഇരിങ്ങാലക്കുട ഡിവൈ.എസ്.പി. കെ.ജി. സുരേഷിന്റെ നിര്ദേശ പ്രകാരം കാട്ടൂര് ഇന്സ്പെക്ടര് ഇ.ആര്. ബൈജുവിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
