തിരുവനന്തപുരം: അറുപത്തി മൂന്നാമത് സംസ്ഥാന സ്കൂള് കലോത്സവം ആവേശകരമായ ഫോട്ടോ ഫിനിഷിലേക്ക്. 10 മത്സരങ്ങള് മാത്രം ബാക്കി നില്ക്കെ 965 പോയിന്റുമായി തൃശൂരാണ് ഒന്നാമത്. 961 പോയിന്റുമായി നിലവിലെ ചാമ്പ്യന്മാരായ കണ്ണൂരും പാലക്കാടും രണ്ടാം സ്ഥാനത്താണ്. തൊട്ടു പിന്നില് 959 പോയിന്റുമായി കോഴിക്കോട് മൂന്നാം സ്ഥാനത്ത് ഉണ്ട്.
സ്കൂളുകളില് ആലത്തൂര് ഗുരുകുലം ഹയര് സെക്കന്ററി സ്കൂള് വ്യക്തമായ ലീഡോടെ ഒന്നാം സ്ഥാനത്താണ്. തിരുവനന്തപുരം കാര്മെല് ഹയര് സെക്കന്ററി സ്കൂള് രണ്ടാം സ്ഥാനത്തും മാനന്തവാടി എംജിഎംഎസ്എസ് മൂന്നാം സ്ഥാനത്തുമുണ്ട്. അവസാന ദിനമായ ഇന്ന് ഹയര് സെക്കന്ററി വിഭാഗം ആണ് കുട്ടികളുടെ നാടോടി നൃത്തം, ഹൈസ്കൂള് വിഭാഗം വഞ്ചിപ്പാട്ട്, ട്രിപ്പിള് ജാസ്, ഹൈസ്ക്കൂള് വിഭാഗം കഥാ പ്രസംഗം തുടങ്ങിയ മത്സരങ്ങള് ഉണ്ട്. വൈകിട്ട് നാലിന് നടക്കുന്ന സമാപന സമ്മേളനം പ്രതിപക്ഷ നേതാവ് വി.ഡി സതീശന് ഉദ്ഘാടനം ചെയ്യും. സിനിമ താരങ്ങളായ ടോവിനൊ തോമസും ആസിഫ് അലിയും മുഖ്യാഥിതികള് ആകും.
