കണ്ണൂര്‍: കണ്ണൂരില്‍ എം.കെ രാഘവന്‍ എംപിയെ കോണ്‍ഗ്രസ് പ്രവര്‍ത്തകര്‍ തടഞ്ഞുവച്ചു. മാടായി കോളേജില്‍ വെച്ചാണ് കോണ്‍ഗ്രസ് പ്രവര്‍ത്തകര്‍ എംപിയെ തടഞ്ഞത്. മാടായി കോളേജില്‍ കോഴ വാങ്ങി സിപിഎം പ്രവര്‍ത്തകര്‍ക്ക് ജോലി നല്‍കുന്നു എന്ന് ആരോപിച്ചായിരുന്നു പ്രതിഷേധം. മാടായി കോളേജ് ഭരണസമിതി ചെയര്‍മാനാണ് എം.കെ രാഘവന്‍.
മാടായി കോളേജില്‍ കോഴ വാങ്ങി സിപിഎം, ഡിവൈഎഫ്ഐ പ്രവര്‍ത്തകര്‍ക്ക് പിന്‍വാതില്‍വഴി നിയമനം നടത്തുന്നു എന്ന് ആരോപിച്ചാണ് കോണ്‍ഗ്രസ് പ്രവര്‍ത്തകര്‍ എം.കെ രാഘവന്‍ എംപിയെ തടഞ്ഞുവച്ചത്. ബന്ധുകൂടിയായ സിപിഎം പ്രവര്‍ത്തകന് ജോലി നല്‍കാന്‍ എം.കെ രാഘവന്‍ ശ്രമിക്കുന്നു എന്നാണ് കോണ്‍ഗ്രസ് പ്രവര്‍ത്തകര്‍ പറയുന്നത്.
കോളേജില്‍ ഇന്ന് ഇന്റര്‍വ്യൂ നടക്കുന്ന ദിവസമായിരുന്നു. ഇന്റര്‍വ്യൂ നടക്കുന്ന ഹാളിലേക്ക് കോണ്‍ഗ്രസ് പ്രവര്‍ത്തകര്‍ പ്രകടനവുമായി കയറുകയുയും ഇന്റര്‍വ്യൂ നിരീക്ഷിക്കാനെത്തിയ ഭരണസമിതി ചെയര്‍മാന്‍ എം.കെ രാഘവനെ പ്രവര്‍ത്തകര്‍ വഴിയില്‍ തടഞ്ഞുവയ്ക്കുകയും മുദ്രാവാക്യം വിളിക്കുകയും ചെയ്തു.
