രോഗവ്യാപന സാധ്യത കണക്കിലെടുത്ത് കുന്ദമംഗലം ഗ്രാമപഞ്ചായത്തിന് കീഴിയിൽ നടത്തിയ ആന്റിജൻ പരിശോധനയിൽ രണ്ടു പേർക്കും, കോഴിക്കോട് സ്വകാര്യ ആശുപത്രിയിൽ പരിശോന നടത്തിയ ഒരാൾക്കും രോഗം സ്ഥിരീകരിച്ചു. മൂന്നു പേരും കുന്ദമംഗലം ഗ്രാമ പഞ്ചായത്തിന് കീഴിലുള്ളവരാണ്.
കുന്ദമംഗലത്ത് നടത്തിയ പരിശോധനയിൽ വാർഡ് 23 ലെ രണ്ടു പേർക്കാണ് രോഗം സ്ഥിരീകരിച്ചത്. അതെ സമയം സ്വകാര്യ ആശുപത്രിയിൽ നിന്നും രോഗം സ്ഥിരീകരിച്ച വ്യക്തി വാർഡ് 17 ൽ താമസിക്കുന്ന വ്യക്തിയാണ്. ആനപ്പാറയിലെ പ്രാഥമിക ആരോഗ്യ കേന്ദ്രത്തിൽ വെച്ച് നടന്ന കോവിഡ് പരിശോധനയിൽ 128 പേരാണ് പങ്കാളികളായത്. വരുന്ന വെള്ളി (11-09 -2020) ന് ആനപ്പാറയിലെ പ്രാഥമിക ആരോഗ്യ കേന്ദ്രത്തിൽ വെച്ച് നൂറു പേർക്ക് ആർ ടി പി സി ആർ പരിശോധന നടത്തുമെന്ന് കുന്ദമംഗലം ഹെൽത്ത് ഇൻസ്പെക്ടർ സുരേഷ് ബാബു അറിയിച്ചു.
