തിരുവനന്തപുരം: സിവില്‍ പോലീസ് ഓഫീസറുടെ പിഎസ്‌സി പരീക്ഷയില്‍ തട്ടിപ്പ് നടത്തിയ സംഭവത്തില്‍ ഒളിവിലായിരുന്ന പ്രതികള്‍ കീഴടങ്ങി. എസ്എഫ്‌ഐ പ്രവര്‍ത്തകരായ യൂണിവേഴ്‌സിറ്റി കോളേജ് വിദ്യാര്‍ഥികളായ പ്രണവ്, സഫീര്‍ എന്നിവരാണ് കീഴടങ്ങിയത്. തിരുവനന്തപുരം
സിജെഎം കോടതിയിലാണ് കീഴടങ്ങിയത്. അറസ്റ്റ് ഒഴിവാക്കാന്‍ വേണ്ടി കോടതിയിലേക്ക് ഓടിക്കയറുകയായിരുന്നു.
സിം കാര്‍ഡ് ഇടാവുന്ന ചൈനീസ് വാച്ച് ഉപയോഗിച്ചാണ് ഇവര്‍ തട്ടിപ്പ് നടത്തിയതെന്നാണ് സൈബര്‍ സെല്ലിന് ലഭിച്ചിരുന്ന വിവരം.
