പേരിന്റെ പേരില് ആക്ഷേപിക്കുന്ന നിലപാട് സിപിഐഎമ്മിന് ഇല്ലെന്ന് സംസ്ഥാന സെക്രട്ടറി എം വി ഗോവിന്ദന്. ഏഷ്യാനെറ്റ് ന്യൂസ് മാധ്യമ പ്രവര്ത്തകന് നൗഫല് ബിന് യൂസഫിനെ നൗഫല് ബിന് ലാദനെന്ന് വിളിച്ച് അധിക്ഷേപിച്ച സിപിഐഎം കണ്ണൂര് ജില്ലാ സെക്രട്ടറി എം വി ജയരാജനെ തള്ളിയാണ് എം വി ഗോവിന്ദന് പാര്ട്ടി നിലപാട് വ്യക്തമാക്കിയത്. ജയരാജന്റെ പ്രസ്താവനയെക്കുറിച്ച് തനിക്ക് അറിയില്ലെന്നും ഗോവിന്ദന് പറഞ്ഞു.
മുഖ്യമന്ത്രിക്കെതിരെ കരിങ്കൊടി പ്രതിഷേധം തുടര്ന്നാല് പ്രതിപക്ഷ നേതാവിനെ പുറത്തിറങ്ങാന് അനുവദിക്കില്ലെന്ന ഇ.പി.ജയരാജന്റെ പ്രസ്താവന നിലവില് പാര്ട്ടി എടുത്ത നിലപാടല്ല. ഭാവിയില് നമുക്ക് നോക്കാമെന്നാണ് അദ്ദേഹം പറഞ്ഞതെന്നും ഗോവിന്ദന് കൂട്ടിച്ചേര്ത്തു.
‘ഒസാമ ബിന് ലാദന് എന്ന് കേട്ടിട്ടേ ഉള്ളൂ. നൗഫല് ബിന് യൂസഫ് എന്ന് പറഞ്ഞ പേരിന്റെ സ്ഥാനത്ത് നൗഫല് ബിന് ലാദന് എന്ന് വിളിക്കണോ, ബിന് എന്ന് പറയുന്നത് ഏത് പിതാവിന്റെ കുട്ടിയാണോ അത് തിരിച്ചറിയാനാണ്. യൂസഫിന്റെ മകനാണ് നൗഫല് എന്നത് തിരിച്ചറിയാനാണ് ബിന് എന്ന് ചേര്ക്കുന്നത്. മിസ്റ്റര് നൗഫല്, താങ്കളുടെ പിതാവിന് പോലും ഉള്ക്കൊള്ളനാകുമോ ഈ നടപടി. എന്നായിരുന്നു എം വി ജയരാജന് പറഞ്ഞത്.
