തിരുവനന്തപുരം: രണ്ടാം പിണറായി സര്ക്കാരിന്റെ അവസാനത്തെ സമ്പൂര്ണ്ണ ബജറ്റിന്റെ അവതരണം നിയമസഭയില് ആരംഭിച്ചു. സാമ്പത്തിക പ്രതിസന്ധിയെ സംസ്ഥാനം അതിജീവിച്ചുവെന്ന് ധനമന്ത്രി കെ.എന്.ബാലഗോപാല്.
കോഴിക്കോട്, തിരുവനന്തപുരം വികസനത്തിന് മെട്രോപൊളിറ്റന് പ്ലാന്. ശമ്പള പരിഷ്കരണ തുകയുടെ രണ്ടു ഗഡു ഈ സാമ്പത്തിക വര്ഷം നല്കും. വയനാട് പുനരധിവാസത്തിന് 750 കോടി രൂപയുടെ പദ്ധതി.
സമീപകാല വികസന ചരിത്രം പരിശോധിച്ചാല് കേരള സമ്പദ്ഘടന അതിവേഗ വളര്ച്ചയുടെ കാലത്തിലേക്ക് കുതിക്കാന് തയ്യാറെടുത്ത് കൊണ്ടിരിക്കുന്നു. മനുഷ്യവിഭവശേഷി വര്ധിപ്പിക്കാന് നടത്തിയ ഇടപെടലുകളാണ് തുണച്ചതെന്നും മന്ത്രി വ്യക്തമാക്കി. ആഭ്യന്തര ഉല്പാദന വളര്ച്ച മെച്ചപ്പെട്ടു. ക്ഷേമപെന്ഷന് കുടിശ്ശിക ഉടന് നല്കും. 600 കോടി രൂപ ഉടന് അനുവദിക്കുമെന്നും മന്ത്രി വ്യക്തമാക്കി. സര്വീസ് പെന്ഷന്കാരുടെ കുടിശികയും ഈ മാസം തീര്ക്കും. ഡിഎ കുടിശിക പിഎഫുമായി ലയിപ്പിക്കുമെന്നും മന്ത്രി പറഞ്ഞു.
